ހައިވޭގައި ދުއްވާފައި ދިޔަ ޕިކަޕަކާއި ބަހެއް ޖެހި އެކްސިޑެންޓެއް ހިނގައިފި
16 ޖޫން 2019 | އާދީއްތަ 06:18އެކްސިޑެންޓްވީ ޕިކަޕުގެ ކުރީ ދެ ފުރޮޅު ފަޅައިގެންގޮސް ކޮންޓްރޯލް ނުވެގެން
އެކްސިޑެންޓެއްގައި ޑިވައިޑާތައް ހަލާކުވެފައި
ހުޅުމާލެއިން މާލެއަށް ދުއްވާފައި ދިޔަ ޕިކަޕަކާއި ބަހެއް ޖެހި އެކްސިޑެންޓެއް ހިނގާފިއެވެ.
އެކްސިޑެންޓް ހިނގާފައި ވަނީ، ހުޅުމާލެ އިން މާލެއަށް ދުއްވާފައި ދިޔަ ޕިކަޕެއްގެ ކުރީ ދެ ފުރޮޅު ފަޅައިގެންގޮސް ކޮންޓްރޯލް ނުވެގެން، ހައިވޭގެ މެދުގައި ޖަހާފައި ހުރި ފެންސް ފަޅާލާފައި ގޮސް، ހުޅުމާލެއިން ހުޅުލެއަށް ދަތުރުކުރަމުން ދިޔަ އެމްޓީސީސީގެ ބަހެއްގައި ޖެހިގެން ކަމަށް ފުލުހުން މައުލޫމާތު ދީފައި ވެއެވެ.
މި އެކްސިޑެންޓް ހިނގާފައި ވަނީ ރޭ ދަންވަރު 02:14 ހާއިރު ކަމަށް ވެސް ފުލުހުން ބުނެފައި ވެއެވެ.
ފުލުހުން ބުނީ ޕިކަޕް ދުއްވަން އިން މީހާއަކީ ލައިސަންސް އޮންނަ މީހެއް ކަމަށާއި މި އެކްސިޑެންޓްގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށެވެ. ނަމަވެސް ފުލުހުން ބުނީ، އެކްސިޑެންޓްވި ޕިކަޕްގެ ކުރީ ކޮޅަށާއި ބަހަށް ވެސް ކޮންމެ ވެސް ވަރަކަށް ގެއްލުން ލިބިފައިވާ ކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
