މެލޭޝިޔާގެ ޕުޓްރަޖާޔާގައި ބާއްވާ 'ވިސިޓް މޯލްޑިވްސް ޓްރެވެލް އެކްސްޕޯ 2019' ގައި ބައިވެރިވުމުގެ މުއްދަތު އިތުރުކޮށްފި އެވެ.
މޯލްޑިވްސް މާރކެޓިން އެންޑް ޕަބްލިކް ރިލޭޝަންސް ކޯޕަރޭޝަން އެމްއެމްޕީއާރްސީ ބުނީ މެލޭޝިޔާގެ ޕުޓްރަޖާޔާގައި ބާއްވާ 'ވިސިޓް މޯލްޑިވްސް ޓްރެވެލް އެކްސްޕޯ 2019'ގައި ބާއްވާ ފުރަތަމަ މި އެކްސްޕޯގައި ބައިވެރިވުމުގެ ފުރުޞަތު ޖޫން 17ގެ 15:00ގެ ނިޔަލަށް އިތުރުކޮށްފައިވާ ކަމަށެވެ.
ޖުލައި 5 އިން ފެށިގެން 7 ވަނަ ދުވަހުގެ ނިޔަލަށް ކުރިއަށްގެންދަން ނިންމާފައިވާ މިއެކްސްޕޯއަކީ ރާއްޖެއަކީ ޓޮޕް ޑެސްޓިނޭޝަންގެ ގޮތުގައި އިޝްތިހާރު ކުރުމަށް ކުރަމުންގެންދާ މަސައްކަތުގެ ދަށުން އެޅި އިތުރު ފިޔަވަޅެއް ކަމަށެވެ.
މިއެކްސްޕޯ ކުރިއަށްދަނީ އެއަރ އެންމެ ބޮޑު ބަޖެޓް އެއަރލައިން އޭޝިޔާއާއި ގުޅިގެން ކަމަށާއި އެކްސްޕޯ ކުރިއަށްދާނީ އައިއޯއައި ރިސޯޓް ސިޓީގެ މަޖެސްޓިކް އައިއޯއައި މޯލްގަ އެވެ.
އެގޮތުން ތަފާތު ކޮންސެޕްޓަކަށް ކުރިއަށް ގެންދިއުމަށް ނިންމާފައިވާ މިއެކްސްޕޯ ބާއްވާ މޯލްއަކީ ކޮންމެ ދުވަހަކުވެސް ގާތްގަނޑަކަށް އެއްލައްކަ ފަންސާސްހާސް މީހުން ޒިޔާރަތްކުރާ ތަނެކެވެ.
މޯލްގެ ތިރީ ބައިގައި ބާއްވާ މިއެކްސްޕޯވެގެންދާނީ މެލޭޝިޔާގައި ހަރަކާތްތެރިވާ ފަތުރުވެރިކަމުގެ ދާއިރާގެ މީހުންނާއި އެއްތަނަކުން ބައްދަލުވާނެ ވަރަށް ރަނގަޅު ޕްލެޓްފޯމަކަށެވެ.
ތިން ދުވަހުގެ މުއްދަތަށް ކުރިއަށް ގެންދާ މި އެކްސްޕޯގެ ތެރެއިން ވަގުތުން ބުކިން ހަދައި ދިނުމާއި ތަފާތު ޕެކޭޖްތައް ތަޢާރަފްކުރުން ހިމެނިފައިވެ އެވެ.
އަދި އެކްސްޕޯގެ ސަބަބުން މެލޭޝިޔާއިން ރާއްޖެއަށް އަންނަ ފަތުރުވެރިން އިތުރުވެގެންދާނެ ކަމަށް ޤަބޫލުކުރެވޭ ކަމަށް އެމްއެމްޕީއާރްސީން ބުންޏެވެ.
