އޮމާން ކަނޑުގައި އޮއްވައި ގޮވި ޓޭންކަރުތަކުން މީހުން މީހުން ސަލާމަތްކޮށްފި
13 ޖޫން 2019 | ބުރާސްފަތި 16:13އީރާނުންވަނީ އެހާދިސާއާ އެގައުމާ ގުޅުމެއް ނެތްކަމަށް ބުނެފައި
ތެޔޮ ޓޭންކަރުތައްވަނީ ދޫކޮށްލާފައި
ގަލްފުގެ އޮމާން ކަނޑުގައި އޮތް ދެ ތެޔޮ ބޯޓެއްގައި ގޮވި ގޮވުމަކަށްފަހު އެ ބޯޓުގައި ތިބި ފަޅުވެރިން ސަލާމަތްކޮށްފިއެވެ.
އިރާނުން ބުނީ ކޮކުކާ ކަރޭޖަސްގައި ތިބި 21 ފަޅުވެރިންނާއި ފްރޮންޓް އޯލްޓެއަރގައި ތިބި 23 ފަޅުވެރިން ސަލާމަތްކޮށްފައިވާ ކަމަށެވެ. އެމެރިކާއިން ބުނެފައިވަނީ އެ ގައުމުގެ ކަނޑުގެ ސިފައިން ބައެއް މީހުން ސަލާމަތްކޮށްދީފައިވާކަމަށެވެ.
ތެޔޮ ހިފައިގެން ދަތުރުކުރާ އެންމެ ކާރޫބާރު ބޮޑު އެއް މަގުން ދަތުރުކުރި ދެ އުޅަނަދުގައި މި ގޮވި ގޮވުމަކީ ކިހިނެއް ހިނގާފައިވާކަމެއްކަން އަދި ސާފެއް ނުވެއެވެ.
އިރާނުގެ އޮފިޝަލަކު ބީބީސީއަށް ބުނީ "އެ ހާދިސާއާ އީރާނާ އެއްވެސް ގުޅުމެއް ނެތް" ކަމަށެވެ.
ބްލޫމްބަރގްއިން ރިޕޯޓްކޮށްފައިވާ ގޮތުގައި ބުރާސްފަތި ދުވަހު ހިނގި މި ހާދިސާއަށްފަހު ތެލުގެ އަގު ވަނީ 4.5 އިންސައްތަ މައްޗަށް ގޮސްފައެވެ. މި ހާދިސާ ހިނގާފައި މިވަނީ ޔުނައިޓެޑް އަރަބް އެމިރޭޓްސް ކައިރިން ހަތަރު ތެޔޮބޯޓެއްގައި އެއްޗެއް ޖައްސައި ބޯޓްތަކަށް ގެއްލުން ދީފައިވަނިކޮށެވެ.
