ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ރާއްޖެ - ނަމަލް ރާޖަޕަކްސް

ކޯލިޝަންގެ ލީޑަރުންނާ ނަމާލް ބައްދަލުކުރައްވައިފި

  • ނައިބް ރައީސް އާ ވެސް ވަނީ ބައްދަލުކުރައްވާފައި
  • ފުރާވަޑައިގަންނަވާނީ އަންގާރަ ދުވަހުގެރޭ

އަލީ ސަމާޚް
AliSamah8

ކ. މާލެ 11 ޖޫން 2019 | އަންގާރަ 18:38 4,976

ނަމަލް ރައީސް ނަޝީދާ އެކު - ރައްޔިތުންގެ މަޖިލިސް

އަވަށްޓެރި ސްރީލަންކާގެ ކުރީގެ ރައީސް މަހިންދަ ރާޖަޕަކްްސާގެ ދަރިކަލުން ނަމާލް ރާޖަޕަކްސަ ސަރުކާރު ކޯލިޝަންގެ ބައެއް ލީޑަރުންނާ ބައްދަލުކުރައްވައިފިއެވެ.

ލަންކާގެ ގާނޫނު ހަދާ މަޖިލީހުގެ މެމްބަރު ނަމާލް ވަނީ ސަރުކާރު ކޯލިޝަންގައި ހިމެނޭ ކުރީގެ ރައީސް މައުމޫނު އަބްދުލް ގައްޔޫމްގެ އިތުރުން އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދާ ބައްދަލުކުރައްވާފައެވެ. ނަމާލްގެ މި ދަތުރުފުޅަކީ ލަންކާ އަށް ދިން ހަމަލާއަށް ފަހު އެގައުމުގެ ހާލަތު ރާއްޖެއަށް އޮޅުން ފިލުވައިދީ، ލަންކާގައި ނުރެއްކަލެއް ނެތްކަމަށް ބަޔާންކޮށް ދިނުމުގެ ގޮތުން ކުރައްވާ ދަތުރުފުޅެކެވެ. އޭނާ ވަނީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އިތުރުން ޔޫތް މިނިސްޓަރު އަހުމަދު މަހުލޫފާވެސް ބައްދަލުކުރައްވާފައެވެ.

ރައީސް މައުމޫނާ އެކު ބޭއްވި ބައްދަލުވުމަށް ފަހު ކުރެއްވި ޓްވީޓެއްގައި ނަމާލް ވިދާޅުވީ، މައުމޫނާ ބައްދަލުވެވަޑައިގަތުމުން ވަރަށް ބޮޑަށް އުފާކުރައްވާ ކަމަށާއި، މައުމޫނަކީ އޭނާގެ ބައްޕާފުޅާ ވަރާށް ގާތް ބޭފުޅެއް ކަމަށެވެ.

ނަމާލް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދާ ބައްދަލުކުރެއްވީ މަޖިލީހުގެ އިދާރާގައެވެ. އެ ބައްދަލުވުމާއި ބެހޭ ގޮތުން ކުރެއްވި ޓްވީޓެއްގައި ނަމާލް ވިދާޅުވީ، ރައީސް ނަޝީދާ އެކު ގިނަ ކަންތައްތަކާއި ބެހޭ ގޮތުން މަޝްވަރާތަކެއް ކުރެވިފައިވާ ކަމަށެވެ.

ރައީސް ނަޝީދު ލަންކާ އަށް ކުރައްވާ ދަތުރުފުޅުގައި ބައްދަލުވެވަޑައިގަންނަވާނެ ކަމަށް އުއްމީދު ކުރައްވާ ކަމަށް ވިދާޅުވިއެވެ. ރައީސް ނަޝީދާ އެމްޑީޕީގެ ޕާލިމެންޓަރީ މެމްބަރުން ސްރީލަންކާ އަށް ވަޑައިގެންނުވުމަށް ވަނީ ހަމަޖެހިފައެވެ. އަދި މީގެ އިތުރުން ނަމަލް ވަނީ ނައިބް ރައީސް ފައިސަލް ނަސީމާ ބައްދަލުކުރައްވާފައެވެ.

ނަމާލް ވަނީ އަންގާރަ ދުވަހު ރާއްޖެއަށް ޓީވީއަށް ޒިޔާރަތް ކުރައްވާއި، އިންޓަވިއުއަށް ދެއްވާފައެވެ. ދަތުރުފުޅު ނިންމަވާލެއްވުމަށް ފަހު ނަމަލް ސްރީލަންކާ އަށް ވަޑައިގަންނަވާނީ އަންގާރަ ދުވަހުގެރެއެވެ. ނަމަލް ވަނީ ރައީސް ސޯލިހު ހުވާކުރެއްވުމުގެ ރަސްމިއްޔާތަށް ރާއްޖެ ވަޑައިގެންފައެވެ.

ނަމަލް އަކީ ލަންކާގެ ގާނޫނު ހަދާ މަޖިލީހުގެ ހަމްބަންދޮޓަ ޑިސްޓްރިކްޓްގެ މެމްބަރެކެވެ.

އެންމެ ފަހުން އަޕްޑޭޓް ކުރީ: 1 ދުވަަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް