ބަންދުކުރި މަގުތައް ހުޅުވާލައިފި
8 ޖޫން 2019 | ހޮނިހިރު 15:49މާލޭގެ ގިނަ ސަރަހައްދެއްގެ މަގުތައް ބަންދުކޮށްފައިވޭ
އިންޑިއާގެ ބޮޑުވަޒީރު ނަރެންދުރަ މޯދީގެ ދަތުރުފުޅާ ގުޅިގެން ބަންދުކުރި މަގެއް
އިންޑިއާގެ ބޮޑުވަޒީރު ނަރެންދުރާ މޯދީގެ ދަތުރުފުޅާއި ގުޅިގެން ގްރީން ޒޯނާ އެކު މާލެ އަދި ހުޅުމާލޭގައި ބަންދުކުރި މަގުތައް ހުޅުވާލައިފިއެވެ.
ފުލުހުން ކުރި ޓްވީޓެއްގައި ބުނެފައި ވަނީ ސެކިއުރިޓީ ބޭނުމަށް ބޮޑުވަޒީރު މޯދީގެ ދަތުރުފުޅާ ގުޅިގެން ބަންދުކުރި މަގުތައް މިހާރު ހުޅުވާލާފައިވާ ކަމަށެވެ. އަދި ރައްޔިތުންގެ ފަރާތުން ލިބުނު އެއްބާރުލުމަށް އެ މުއައްސަސާ އިން ވަނީ ޝުކުރު އަދާކޮށްފައެވެ.
ބޮޑުވަޒީރު މޯދީގެ ދަތުރުފުޅާ ގުޅިގެން ސެކިއުރިޓީ ބޭނުމަށް މާލޭގައި ބަންދުކޮށްފައިވަނީ ފުލުހުން ނެރުނު ޗާޓުގައި ފާހަގަކޮށްފައިވާ ޒޯންތަކެވެ. އަދި ހުޅުމާލޭގައި ވެސް ނެރުނު ޗާޓުގައި ރަތް ކުލައިން ވާ މަގުތައް ފާހަގަކޮށް، އެ މަގުތަކުގައި ޕާކުކުރުން ވަނީ މަނާކޮށްފައެވެ.
ބޮޑުވަޒީރު މޯދީގެ ދަތުރުފުޅުގެ ސަބަބުން ހޮނިހިރު ދުވަހު އަދި އާދިއްތަ ދުވަހު ބްރިޖް ބަންދު ކުރޭތޯ، ގިނަ ބަޔަކު އުފެއްދި ސުވާލަށް ޖަވާބު ދެމުން، ފުލުހުން ބުނެފައިވަނީ ބޮޑުވަޒީރު މޯދީގެ ދަތުރުފުޅުގެ ސަބަބުން ބްރިޖްގެ ދަތުރު ފަތުރަށް ދަތި ކަމެއް ނާންނާނެ ކަމަށެވެ.
