ހުޅުމާލޭގައި ކުޑަ ދެ ކުދިންނާ ބެހުނު މީހާ ކޯޓުން ދޫކޮށްލައިފި
6 ޖޫން 2019 | ބުރާސްފަތި 12:53ހައްޔަރު ކުރީ 19 އަހަރުގެ މީހެއް
ހުޅުމާލޭ މަގުމަތީގައި އެމީހާ ގަންހިންގުވަނީ
ހުޅުމާލޭގައި ކުޑަ ދެ ފިރިހެން ކުދިންނާ ގަދަކަމުން ބަދު އަހުލާގީ އަމަލު ހިންގިކަމުގެ ތުހުމަތުގައި ހައްޔަރުކުރި ފިރިހެން މީހާ ކްރިމިނަލް ކޯޓުން ދޫކޮށްލައިފި އެވެ.
ފުލުހުން ބުނީ މެއިމަހުގެ 24 ވަނަ ދުވަހުގެ ދަންވަރު 1:00ހާއިރު 06 އަހަރުގެ ފިރިހެން ކުއްޖަކާ 08 އަހަރުގެ ފިރިހެން ކުއްޖަކާ މެދު ފިރިހެނަކު ގަދަކަމުން ބަދުއަހުލާގީ އަމަލު ހިންގި މައްސަލައާ ގުޅިގެން މެއިމަހުގެ 26 ވަނަ ދުވަހުގެ 02:48 ހާއިރު ހުޅުމާލެ ކޯޓުން ކޯޓު އަމުރެއްގެ ދަށުން 19 އަހަރުގެ ފިރިހެނަކު ވަނީ ހައްޔަރުކޮށްފައިވާ ކަމަށެވެ.
ފުލުހުން ބުނީ މިމައްސަލާގެ ހައްޔަރުކުރި މީހާ ކުރިމިނަލް ކޯޓުން ބުރާސްފަތި ދުވަހު ދޫކޮށްލާފައިވާ ކަމަށެވެ. އޭނާ ދޫކޮށްލި ސަބަބު ފުލުހުން އާންމު ނުކުރެއެވެ.
މިމައްސަލާގައި 19 އަހަރުގެ ފިރިހެން މީހާ ގުޅުމާލޭގައި ވަނީ ގަންހިންގުވާފައެވެ. އަދި އޭނާ ކުޑަ ދެ ކުދިންނާ ބެހުނު ކަމަށް އެއްބަސްވެ، ކަންތައްކުރި ގޮތް އަމިއްލަ އަށް ކިޔައިދޭ ވީޑިއޯއެއް ސޯޝަލް މީޑިއާގައި އާންމުކުރިއެވެ.
