މާރާމާރިއެއް ހުއްޓުވުމަށް ދިޔަ ފުލުހުންތަކަކަށް ހަމަލާދީފި
5 ޖޫން 2019 | ބުދަ 13:47ހައްޔަރުކުރީ 22 އަހަރުގެ ދެ ފިރިހެނުންނާއި، 18 އަހަރުގެ ފިރިހެނެއް
ފުލުހުންތަކެއް - މާރާމާރީއެއް ހުއްޓުވުމަށް ދިޔަ ފުލުހަކަށް ހަމަލާދީފައިވާކަމަށް ފުލުހުން ބުނެ
މާރާމާރިއެއް ހުއްޓުވުމަށް ދިޔަ ފުލުހުންތަކަކަށް ހަމަލާދީފި އެވެ.
ފުލުހުންގެ މިޑިއާ އޮފިޝަލް ވިދާޅުވީ ބުދަ ދުވަހުގެ ހަވީރު 16:15 ހާއިރު ޝަހީދު އަލީ ގޯޅި ތެރޭގައި މާރާމާރީއެއް ހިންގައިގެން 3 މީހަކު ފުލުހުންގެ ހައްޔަރަށް ގެންގޮސްފައިވާކަމަށް އެއީ 22 އަހަރުގެ ދެ ފިރިހެނުންނާއި، 18 އަހަރުގެ ފިރިހެނެއްކަމަށް ފުލުހުން ބުނެ އެވެ.
ފުލުހުން ބުނީ އެ މާރާމާރީ ހުއްތުވުމަށް އެ ސަރަހައްދަށް ދިޔަ ފުލުހުންނަށް އެތަނުން އެކަކު ހަމަލާދީފައިވާކަމަށެވެ. ނަމަވެސް ފުލުހުންނަށް ހަމަލާދީނީ އޭގެތެރެން ކާކުކަމެއް ފުލުހުން ނުބުނެއެެ.
އޮފިޝަލް ވިދާޅުވީ ހައްޔަރަށް ގެންދިޔަ 3 މީހުންވެސް މަސްތުގެ ހާލަތުގައި ތިބިކަމަށް ތުހުމަތުކުރެވޭކަމަށެވެ. އަދި މާރާމާރީގައި މިހާތަނަށް އެކަކަށް އަނިޔާވެގެން ހޮސްޕިޓަލުގައި ފަރުވާދެމުން އަންނަކަމަށް ފުލުހުން ބުންޏެވެ. ނަމަވެސް އޭނާއަށް ސީރިއަސް އަނިޔާތަކެއް ލިބިފައިވާކަމެއް ފުލުހުން ހާމައެއް ނުކުރެ އެވެ.
