ކ. މާލެ
|
31 މެއި 2019 | ހުކުރު 23:01
ސެފްއެމްގެ މެމްބަރުން
ސެފްއެމްގެ މެމްބަރުން
ރާއްޖެއެމްވީ
ސެފްއެމް
ސެފްއެމްގެ ހިންގާ ކޮމެޓީ އަދި ޑިސިޕްލިނަރީ ކޮމެޓީއަށް މެންބަރުން އައްޔަންކޮށްފި
 
މި ޖަމިއްޔާގެ ފުރަތަމަ އާންމު ޖަލްސާ ބާއްވާފައިވަނީ މެއި މަހުގެ 28 ވަނަ ދުވަހު

އެސް.އެމް.އީ އެންޑް އެންޓަރޕްރަނަރސް ފެޑަރޭޝަން އޮފް މޯލްޑިވްސް" "ސެފްއެމް" ގެ ހިންގާ ކޮމެޓީ އަދި ޑިސިޕްލިނަރީ ކޮމެޓީއަށް މެމްބަރުން އައްޔަންކޮށްފިއެވެ.

މި ޖަމިއްޔާގެ ފުރަތަމަ އާންމު ޖަލްސާ ބާއްވާފައިވަނީ މެއި މަހުގެ 28 ވަނަ ދުވަހުއެވެ. އެގޮތުން ހިންގާ ކޮމެޓީގެ ރައީސްއަކަށް އަބްދުއް ލަތީފް އައްޔަންކޮށްފައިވާއިރު ނައިބު ރައީސުންނަށް އައްޔަންކޮށްފައިވަނީ އިބްރާހިމް އަލީ ޖަލީލް އަދި ސައުދުﷲ އަހްމަދުއެވެ. އަދި ޑިސިޕްލިނަރީ ކޮމެޓީގެ ޗެއަރމަން އަކަށް ޝާއިރާ ސަލީމް ހަމަޖައްސާފައިވާއިރު ވައިސް ޗެއަރމަން އަކަށް ހަމަޖައްސާފައިވަނީ އިސްމާއިލް ހަމީދުއެވެ.

ސެފްއެމް އަކީ ދިވެހިރާއްޖޭގައި ތިބި އެންމެ ކުދި، ކުދި އަދި މެދު ފަންތީގެ ވިޔަފާރިވެރިންގެ ހޭލުންތެރިކަން އިތުރު ކުރުމާއި، ވިޔަފާރި އާއި ސިނާއަތުގެ ދާއިރާގައި ކުރިއަށް ދާން އެދޭ ފަރާތްތަކަށް އެހީތެރި ވެދިނުމާއި އެ ފަރާތްތަކުގެ ހައްޤުތައް ރައްކާތެރި ކޮށްދިނުމަށް މަސައްކަތް ކުރާ، އިޖްތިމާއީ، އިޤްތިޞާދީ އަދި ޤައުމީ ތަރައްޤީ ގައި އެފަދަ ވިޔަފާރިވެރިންގެ ބައިވެރިވުން އިތުރު ކޮށްދިނުމަށް އެހީތެރި ވެދިނުމުގެ ގޮތުން އުފައްދާފައިވާ ޖަމިއްޔާއެކެވެ.

ކުދި އަދި މެދު ވިޔަފާރި އަށް ހުރި ދަތި ތަކަށް ހައްލު ހޯދާ ދިނުމާއި ވިޔަފާރީގެ ފަހި ފުރުސަތުތައް ރާއްޖެ އާއި ރާއްޖޭން ބޭރުން ހޯދާ ދިނުމާއި، ސަރުކާރުން ހިންގާ ތަފާތު ޕްރޮޖެކްޓް ތައް ހިންގުމުގައި އެ ވިޔަފާރި ވެރިންގެ އެއްބާރުލުމާއި އެކު ޕްރޮޖެކްޓް ތައް ހިންގުމާއި، ވިޔަފާރިތަކުގައި ގިނަ ޒުވާނުންނަށް ފުރުސަތު ފަހިކޮށްދިނުމަކީ އަހަންމިއްޔަތުދޭ ކަންކަމެއް ކަމުގައި އެ ޖަމިއްޔާ އިން ބުނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
100%
0%
0%
ކޮމެންޓް