މޯލްޑިވިއަން އިން ފުވައްމުލަކަށް ކުރުމަށް ހަމަޖެހިފައިވާ ދަތުރުތައް ކެންސަލް ކޮށްފި
30 މެއި 2019 | ބުރާސްފަތި 18:28ދަތުރުތައް ކެންސަލްކުރީ މޫސުން ގޯސްވުމުން
މޯލްޑިވިއަންގެ ފްލައިޓެއް
ރާއްޖޭގެ މޫސުން ވަރަށް ބޮޑަށް ގޯސްވުމާ ގުޅިގެން ދިވެހިރާއްޖޭގެ ގައުމީ އެއާލައިން، މޯލްޑިވިއަންއިން ފުވައްމުލަކަށް ކުރުމަށް ހަމަޖެހިފައިވާ ދަތުރުތައް ކެންސަލް ކޮށްފިއެވެ.
މޯލްޑިވިއަންއިން ކޮށްފައިވާ ޓްވީޓްގައި ބުނީ މޫސުން ގޯސްވުމުގެ ސަބަބުން ބުރާސްފަތި ދުވަހުގެ ރޭ ފުވައްމުލަކަށް ކުރުމަށް ހަމަޖެހިފައި އޮތް މޯލްޑިވިއަންގެ ދަތުރު ކެންސަލްކޮށްފައިވާ ކަމަށެވެ. އަދި މިކަމުގެ ސަބަބުން ކަސްޓަމަރުންނަށް ދިމާވި ދަތިތަކަށް ނިހާޔަތަށް މައާފަށް އެދޭ ކަމަށެވެ.
މޯލްޑިވިއަން އިން ބުނީ ދަތުރުތަކުގެ އިތުރު މައުލޫމާތު ފޯރުކޮށްދެމުންދާނެ ކަމަށެވެ.
ރާއްޖޭގެ ބޮޑު ބަޔަކަށް ވިއްސާރަކުރަމުންދާ އިރު، ކަނޑުދަތުރުފަތުރު ކުރުމަށް ޚާއްސަ ސަމާލުކަމެއް ދިނުމަށްށާއި، ކޮންމެހެން ކުރަން ޖެހޭ ދަތުރުތައް ނޫނީ ނުކުރުމަށް ވަނީ އިލްތިމާސްކޮށްފައެވެ. އަދި މޫސުމާ ބެހޭ އިދާރާއިން ވަނީ ނުވަ އަތޮޅަކަށް ޔެލޯ އެލާޓް ނެރިފައެވެ.
