ގްލޯފިޓްގެ ޒުމްބާ މަސްޓަރ ކެންސަލްވެއްޖެ
ޓިކެޓް ރީފަންޑްކޮށްދޭނެ
ގްލޯފިޓްގެ ފަރާތުން ހާއްސަ ޒުމްބާ މަސްޓަރ ކްލާހުގެ ޕޯސްޓަރ
ދުނިޔޭގެ ކަސްރަތު ދާއިރާގެ ފުންނާބު އުސް އައިލީ ޝަރީފްގެ ބައިވެރިވުމާއި ބާއްވާން ނިންމާފައިވާ ޒުމްބާ މާސްޓަރ ކްލާސް ކެންސަލްވެއްޖެ ކަމަށް ގްލޯފިޓްގެ ފަރާތުން ބުނެފިއެވެ.
ގްލޯފިޓުން ބުނީ އަންހެން ބޭފުޅުންނަން ހާއްސަކޮށްގެން ފެބްރުއަރީ 4 ވަނަ ދުވުގެރޭ ބިލަބޮންގ އިންޓަރނޭޝަނަލް ސްކޫލްގެ ހޯލްގައި ބޭއްވުމަށް ހަމަޖެހިފައިވާ މާސްޓަރ މިހާރު ކެންސަލް ވެފައިވާ ކަމަށެވެ. މާސްޓަރ ޒުމްބާ ކްލާސް ކެންސަލް ވެވަފައިވާއިރު މި ހަރަކާތުގައި ބައިވެރިވުމަށް ވަނީ ގްލޯފިޓްގެ ފަރާތުން ޓިކެޓް ވެސް ވިއްކާވަފައެވެ.
އެހެންނަމަވެސް މާސްޓަރ ޒުމްބާ ކްލާހުގައި ބައިވެރިވުމަށް ޓިކެޓް ނަގާފައިވާ ފަރާތަކުގެ ޓިކެޓް ރީފަންޑްކޮށްދޭނެ ކަމަށް ގްލޯފިޓުން ބުންޏެއެވެ.
ގްލޯފިޓުން ބުނީ މާސްޓަރ ޒުމްބާ ކްލާސް ކެންސަލްވި ކަމުގައި ވިއަސް ކުރިއަށް އޮތްތަނުގައި ހާއްސަ ޒުމްބާ ކްލާސްތަކެއް ބާއްވާނެ ކަމަށެވެ. އަދި މި ހަރަކާތް ކެލްސަލްވުމުން ގްލޯފިޓުން ވަނީ މާފަންއެދިފައެވެ.
ޒުމްބާ ފިޓްނަސްއަކީ މިހާރު ދުނިޔޭގައި އެންމެ މަޤްބޫލް އެއް ފިޓްނަސް ބްރޭންޑެވެ. މިހާރު 180 ޤައުމުގައި ކުރިއަށްދާ ފިޓްނަސް ޕްރޮގްރާމް ވަނީ ދިވެހިރާއްޖޭގައި ވެސް ވަރަށް މަޤްބޫލްކަމެއް ހޯދާފައެވެ.
އާއިލީ ޝަރީފަކީ ސްވިޒަރލެންޑަށް އުފަން އަދި މިހާރު ފިޓްނަސް ދާއިރާގައި ދުނިޔޭގެ އެންމެ މަޝްހޫރުވަމުން އަންނަ ޒުމްބާ ފިޓްނަސް ޕްރޮގްރާމެއް ކަމަށްވާ ސްޓްރޯންގ ބައި ޒުމްބާ އުފެއްދުމުގައާއި އިތުރަށް ކުރިއެރުވުމަށް އެންމެ އިސްކޮށް މަސައްކަތްކުރައްވާ އެއް ޓްރެއެނާއެވެ.
