ޕިރަމިޑް އިން ޒީބާ ބްރޭންޑްގެ ބާސްމަތީ ރައިސް ތައާރަފުކޮށްފިއެވެ.

ރާއްޖެއެމްވީއަށް މައުލޫމާތު ދެއްވަމުން ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ވިދާޅުވީ އެ ބާސްމަތީ ރައިސް އަކީ ކޮލެޓީ ރަނގަޅު ރައިސްއެއް ކަމަށާއި ކަސްޓަމަރުންނަށް ހެޔޮ އަގެއްގައި އެ ޕްރޮޑަކްޓް ލިބިގެންދާނެ ކަމަށެވެ.

ޕިރަމިޑްގެ ފަރާތުން ތައާރަފުކޮށްފައިވަނީ ޒީބާގެ އެއްކިލޯގެ ޕެކެޓާއި ފަސް ކިލޯގެ ޕެކެޓެވެ. މި ބްރޭންޑްގެ ބާސްމަތީ ރައިސް އަށް 1121 ގެ ސްޓޭންޑަޑް ވަނީ ދެވިފައެވެ. އެ ސްޓޭޓްޑަޑް ލިބެނީ އެންމެ ހައި ކޮލެޓީގެ ބާސްމަތީ ރައިސް އަށެވެ.

ޕިރަމިޑް އިން އިތުރަށް ބުނީ އެ ޕްރޮޑަކްޓް ޕްރޮމޯޓް ކުރުމުގެ ގޮތުން ޕްރޮމޯޝަނެއް ފަށައިފައިވާނެ ކަމަށެވެ. އެގޮތުން އެ ޕްރޮމޯޝަންގެ ދަށުން 1121 ރިޕްރެޒެންޓް ކުރުމުގެ ގޮތުން ކޮންމެ 11 އަދި 21 ވަނަ ކަސްޓަމަރަކަށް އެއްކިލޯގެ ބާސްމަތީ ރައިސް ޕެކެޓެއް ހިލޭ ލިބިގެންދާނެ ކަމަށެވެ. އެގޮތަށް 60 ކަސްޓަމަރުންނަށް ހަމަވަންދެން އެއްކިލޯގެ ޕެކެޓް ދޫކުރާނެ ކަމަށް ޕިރަމިޑް އިން މައުލޫމާތުދެއެވެ.

ޒީބާ ބްރޭންޑްގެ ބާސްމަތީ ރައިސް އުފައްދަނީ އިންޑިއާގެ ކުންފުންޏެއްކަމަށްވާ ސަޕްލްޓެކް އިންނެވެ. އެ ކުންފުނިން ދުނިޔޭގެ 40 ޤައުމަކަށް ބާސްމަތީ ރައިސް އެކްސްޕޯޓް ކުރެއެވެ.