އަޑު އިވުމުގެ ހިއްސުން މަހުރޫމްވެފައިވާ ކުދިންނަށް މޯލްޑިވްސް ޕޮލިޓެކްނިކް ހިންގާ ކޯހެއްގައި ބައިވެރިވުމުގެ ފުރުސަތު ހުޅުވާލައިފިއެވެ.
މޯލްޑިވްސް ޕޮލިޓެކްނިކް އިން ބުނީ އަޑު އިވުމުގެ ހިއްސުން މަހްރޫމްވެފައިވާ ކުދިންނަށާ ޒުވާނުންނަށް ޖޫން 2019 އިންޓޭކްގައި ސެޓްފިކެޓް 3 އިން އޮޓޮމޯޓިވް ރިފެއަރ އެންޑް މެއިންޓެނެންސް ކޯހުގައި ކިޔެވުމުގެ ފުރުސަތު ހުޅުވާލާފައިވާ ކަމަށެވެ.
ޕޮލިޓެކްނިކް އިން ބުނީ މިކޯހުގައި ކިޔެވުމަށް ފުރުސަތު ދިނުމަށް ހަމަޖެހިފައިވަނީ 10 ކުދިންނަށް ކަމަށެވެ. އަދި މިކުދިންގެ ކްލާސްތައް ކުރިއަށް ގެންދާއިރު އެކުދިންނަށް ޚާއްސަ ޓީޗަރެއް ހަމަޖެހިފައި ހުންނާނެ ކަމަށް ވެސް ޕޮލިޓެކްނިކް އިން ބުންޏެވެ.
މިކޯހަށް ކުރިމަތިލުމުގެ ފުރުސަތު ހުޅުވާލެވިފައިވަނީ ޖޫން 9 ވަނަ ދުވަހާ ހަމައަށެވެ.
