ހައްޖަށް ދާންވެގެން ރައްކާކޮށްފައި ހުރި ތިން ލައްކަ ރުފިޔާ ވަގަށް ނަގައިފި
27 މެއި 2019 | ހޯމަ 08:16އެއީ ތިން މީހަކު ހައްޖަށް ދާން ރައްކާ ކޮށްފައި ހުރި ފައިސާ
އަލީ ސަމާޚް | 27 މެއި 2019 | ހޯމަ 08:16
ދަރަނބޫދޫ މަގެއް
ފ. ދަރަނބުދޫގައި ތިން ބަޔަކު ހައްޖަށް ދާން ރައްކާ ކޮށްފައި ހުރި 300،000 (ތިން ލައްކަ ރުފިޔާ) ވަގަށް ނަގައިފިއެވެ.
ފުލުހުން ބުނީ، ދަރަނބުދޫ ގެއެއްގައި ބަހައްޓާފައި ހުރި ގިނަ އަދަދެއްގެ ފައިސާ ވަގަށް ނެގިކަމުގެ ރިޕޯޓް ލިބިފައި ވަނީ އާދިއްތަ ދުވަހު މެންދުރު 14:03 ހާއިރު ކަމަށެވެ. އެ ފައިސާ ގެއްލިފައި ވަނީ ހޮނިހިރު ދުވަހުއެވެ.
ފުލުހުން ބުނީ، އެ ފައިސާތަކަކީ ތިން މީހަކު ހައްޖަންދާން ވެގެން ރައްކާ ކޮށްފައި ހުރި ފައިސާ ކަމަށެވެ. އެ މައްސަލައާ ގުޅިގެން އެއްވެސް މީހަކު ހައްޔަރު ކޮށްފައެއް ނުވެއެވެ. ފުލުހުން ދަނީ މިހާރު އެ މައްސަލަ ބަލުމުންނެވެ.
