އެއާޕޯޓްގައި ހަދާފައިވާ ސްޓާފް މިނީ މާރޓް ހިންގާނެ ފަރާތެއް ހޯދަނީ
26 މެއި 2019 | އާދީއްތަ 12:13އެއީ ގާތްގަނޑަކަށް 40 އަކަ މީޓަރުގެ ޖާގައެއް
ވެލާނާ އިންޓަނޭޝަނަލް އެއާޕޯޓް
ވެލާނާ އިންޓަރނޭޝަނަލް އެއަރޕޯޓުގައި ސްޓާފް މިނީ މާރޓް އެއް ހިންގުމަށް ޝައުގުވެރިވާ ފަރާތްތަކަށް ބީލަން ހުށަހެޅުމަށް މޯލްޑިވްސް އެއަރޕޯޓްސް ކޮމްޕެނީން ހުޅުވާލައިފި އެވެ.
މޯލްޑިވްސް އެއަރޕޯޓްސް ކޮމްޕެނީން ކުރި އިއުލާނެއްގައި ބުނެފައިވަނީ ސްޓާފް މިނީ މާރޓް ހިންގުމަށް ދޫކުރެވޭ ތަނަކީ ވެލާނާ އިންޓަރނޭޝަނަލް އެއަރޕޯޓްގެ ހުޅަނގުފަރާތުގައި ކުންފުނީގެ އިދާރީ ޑިޕާޓްމަންޓްތައްހުރި އިމާރާތުގެ ފުރަތަމަ ފަންގިފިލާގައި ހުރި ގާތްގަނޑަކަށް 40 އަކަ މީޓަރުގެ ޖާގައެއް ކަމަށެވެ. އަދި ބީލަން ހުށަހެޅުމަށް ފުރުސަތު އޮންނަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގައި ރަޖިސްޓަރީ ކުރެވިފައިވާ 100 އިންސައްތަ ދިވެހިން ހިއްސާވާ ލިމިޓެޑް ލަޔަބިލިޓީ ކުންފުނި, އެސް.އެމް.އީ ނުވަތަ އަމިއްލަ ފަރުދުންގެ ވިޔަފާރި ތަކަށް ކަމަށް އެ އިއުލާންގައި ބުނެފައިވެއެވެ.
އިއުލާންގައި ބުނެފައިވާ ގޮތުން ބީލަން ހުށަހެޅުމުގެ ސުންގަޑިއަކީ 19 ޖޫން 2019 ވަނަ ދުވަހުގެ 11:00 އެވެ. އަދި ބީލަންތައް ހުޅުވުމަށް ހަމަޖެހިފައިވަނީ 19 ޖޫން 2019 ވަނަ ދުވަހުގެ 11:15 ގައި، ބީލަން ހުށަހަޅާ ފަރާތްތަކުގެ ތެރެއިން ބީލަން ހުޅުވުމުގެ ބައްދަލުވުމުގައި ބައިވެރިވާ ފަރާތްތަކުގެ ހާޟިރުގައި ކަމަށް އެ އިއުލާންގައި ބުނެފައިވެއެވެ.
