ތޫމް ރެސްޓޯރެންޓުގައި އަލިފާނުގެ ހާދިސާއެއް ހިނގައިފި

ތޫމް ރެސްޓޯރެންޓުގައި އަލިފާނުގެ ހާދިސާއެއް ހިނގައިފިއެވެ.

އަލިފާން ރޯވުމާއެކު، އެމްއެންޑީއެފްގެ ފަޔަރަ އެންޑް ރެސްކިއު ޓީމުން ވަނީ އެ ސަރަހައްދަށް ގޮސް ހަރަކާތްތެރިވެފަ އެވެ. އަދި އާންމުންނާއި، އެމްއެންޑީއެފުން ކުރި މަސައްކަތުން ކުޑަވަގުތުކޮޅެއްގެ ތެރޭގައި ވަނީ އަލިފާން ކޮންޓްރޯލްކޮށްފަ އެވެ.

އަލިފާނުގެ ހާދިސާގައި މާ ބޮޑު ގެއްލުމެއް ލިބިފައިނުވާއިރު، އަލިފާން ރޯވީ ރެސްޓޯރެންޓުގެ ބަދީގޭގަ އެވެ. އަދި ރޯވުމާއެކު ބަދިގޭގައި މަސައްކަތްކުރާ މުވައްޒަފުން ވަނީ އަލިފާން ނިއްވާ ފުޅިން އަލިފާން ނިއްވާލުމަށްޓަކައި މަސައްކަތްކޮށްފަ އެވެ.

މި ހާލިފާނުގެ ހާދިސާގައި ރެސްޓޯރެންޓަށް މާ ބޮޑު ގެއްލުމެއް ލިބިފައެއް ނުވެ އެވެ. އަދި އަލިފާން އިތުރަށް ނުފެތުރެނީސް ކޮންޓްރޯލްކުރެވުނުއިރު، ބަދިގޭގައި ގިނަ އަދަދެއްގެ ގޭސްފުޅިތަކެއްވެސް ކައިރިކައިރީގައި ބަހައްޓާފަ ހުރި އެވެ.

ތޫމް ރެސްޓޯރެންޓު ހުންނަނީ ބޮޑު ތަކުރުފާނުމަގު، އެމްޑީޕީ ހަރުގެޔާއި އިންވެގެންނެވެ.