ޕެޓްރޯލާއި ޑީސަލްގެ އަގު އެސްޓީއޯއިން ހެޔޮކޮށްފި
ޑީސަލް ލިޓަރަކުން 14 ލާރި ހެޔޮކުރި
ޙުސައިން ޙަސަން | 24 މެއި 2019 | ހުކުރު 06:03
އެފްއެސްއެމް ޕެޓްރޯލް ޝެޑް
އެސްޓީއޯއިން ވިއްކާ ޕެޓްރޯލާއި ޑީސަލްގެ އަގު ހުކުރު ދުވަހުން ފެށިގެން ހެޔޮކޮށްފިއެވެ.
އެސްޓީއޯއިން ބުނީ ހުކުރު ދުވަހުން ފެށިގެން ޑީސަލް ލިޓަރަކުން 14 ލާރީގެ ހެޔޮކޮށްފައިވާ ކަމަށާއި ޑީސަލް ލިޓަރެއް ލިބޭނީ 11.97 ރުފިޔާއަށް ކަމަށެވެ. ޕެޓްރޯލް ލިޓަރަކުން 10 ލާރި ހެޔޮކޮށް، ޕެޓްރޯލްގެ ލިޓަރެއްގެ އަގު ވަނީ 11.39 ރުފިޔާއަށް ދަށްކޮށްފައިވާ ކަމަށް އެސްޓީއޯއިން ބުންޏެވެ.
އެ ދެ ބާވަތުގެ ތެލުގެ އަގު އެސްޓީއޯއިން ހެޔޮކޮށްފައި ވަނީ މި މަހުގެ ތިން ވަނަ ދުވަހު، ތެލުގެ އަގު ބޮޑު ކޮށްފައިވަނިކޮށެވެ.
މިއަހަރު ފެށުނުއިރު، ޕެޓްރޯލް ލީޓަރެއް އެސްޓީއޯއިން ވިއްކީ 11.19 ރުފިޔާއަށެވެ. އަދި ޑީސަލް ލީޑަރެއް ވިއްކީ 11.99 ރުފިޔާއަށެވެ.
