ގިނަ އަދަދެއްގެ ސްޕޯރޓްސް ކައުންސިލަރުން ހޯދުމަށް އިއުލާން ކޮށްފި
ސްޕޯރޓްސް ކައުންސިލަރުން ހޯދުމަށް އިއުލާން ކޮށްފައިވަނީ 125 ރަށަކަށް
ސްޕޯޓްސްކް ކައުންސިލަރުން ތަމްރީންކުރުމުގެ ޕްރޮގްރާމް ކުރިއަށްދަނީ
ސަރުކާރުގެ 100 ދުވަހުގެ ވައުދުގެ ތެރޭގައި ހިމެނޭ ސްޕޯރޓްސް ކައުންސިލަރުން ހޯދުމަށް އިއުލާން ކޮށްފި އެވެ.
ޔޫތު މިނިސްޓްރީން އަންގާރަ ދުވަހު ވަނީ 125 ރަށަކަށް ސްޕޯރޓްސް ކައުންސިލަރުން ހޯދުމަށް ގެޒެޓްގައި އިއުލާނުކޮށްފައެވެ.
މި މަގާމަށް ކުރިމަތިލާ ފަރާތްތަކުގެ ޝަރުތަކީ ޖީސީ އޯލެވެލްގެ ދެ މާއްދާއިން ދަށްވެގެން ޑީ ފާސް ލިބިފައި ވުމާ އެކު ދިވެހި އިން ފާސްވެފައި ވުމެވެ. ނުވަތަ ސެޓްފިކެޓް ތިނެއް ނިންމާފައި ވުމެވެ.
މި މަގާމަށް ޝަރުތު ހަމަވާ ފަރާތްތަކުން އަންނަ ޖޫންމަހުގެ 10 ވަނަ ދުވަހުގެ 12:00 އަށް ފޯމު ހުށަ އަޅަންޖެހެއެވެ.
މީގެ ކުރިން ވެސް ވަނީ ސްޕޯޓްސް ކައުންސެލަރުންގެ 200 މަގާމުގެ ތެރެއިން 88 މަގާމަށް މީހުން އައްޔަންކޮށް މަގާމުގެ ސެޓްފިކެޓް އެފަރާތްތަކާ ހަވާލުކޮށް ފައެވެ.
ސްޕޯޓްސް ކައުންސިލަރުންގެ ގޮތުގައި 200 މަގާމު ސިވިލް ސަރވިސް އޮނިގަނޑަށް އިތުރު ކުރެވިފައިވާ ކަމަށް ރައީސުލްޖުމްހުރިއްޔާ، އިބްރާހިމް މުހަމަދު ސޯލިހު ވިދާޅުވެފައި ވަނީ ފެބްރުއަރީ މަހު ދެއްވި ރިޔާސީ ބަޔާނުގައެވެ.
ރަށްރަށުގައި ކުރިއަށްގެންދާ ކުޅިވަރު ހަރަކާތްތައް ރާވައި ހިންގުމުގައި އިސްކޮށް ހަރަކާތްތެރި ވާނީ މި ކައުންސިލަރުންނެވެ.
