ފަހު ދިހައިގެ ރޭތަކުގައި މާލޭގެ 15 މިސްކިތެއްގައި ދަމުނަމާދު ކުރާނެ!

މާލޭ ސިޓީގެ މިސްކިތްތަކުގެ ތެރެއިން މި އަހަރުގެ ރަމަޟާން މަހާ ދިމާކޮށް ފަހު ދިހައިގެ ދުވަސްތަކުގައި ދަމު ނަމާދު ކުރެވޭ ގޮތަށް ހަމަޖެހިފައިވާ މިސްކިތްތައް މިނިސްޓްރީ އޮފް އިސްލާމިކް އެފެއާޒް އިން އާންމުކޮށްފިއެވެ.

ހޯމަ ދުވަހު މިނިސްޓްރީން ކުރި އިއުލާނެއްގައި 1440 ވަނަ އަހަރުގެ ރަމަޟާން މަހު ފަހު 10 ގައި މާލެސިޓީގެ މިސްކިތްތަކުގެ ތެރެއިން ދަމު ނަމާދު ކުރުމަށް ހަމަޖެހިފައިވާ މިސްކިތްތައް އިއުލާނު ކުރައްވާފައިވާއިރު، އޭގެ ތެރޭގައި 15 މިސްކިތެއް ހިމެނެއެވެ.

އޭގެ އިތުރުން، ވިލިމާލެއިން ތިން މިސްކިތެއްގައި ދަމުނަމާދު ކުރެވޭ ގޮތް ހަމަޖައްސާފައިވާއިރު، އޭގެ ތެރޭގައި ހިމެނެނީ މަސްޖިދުއްސަލާމްއާއި، މަސްޖިދުލްއިޚްލާޞްގެ އިތުރުން މަސްޖިދުލް ބިއްރިއެވެ.

އަދި ހުޅުމާލެއިން ވެސް ފަސް މިސްކިތެއްގައި ދަމުނަމާދު ކުރެވޭ ގޮތަށް ވަނީ ހަމަޖެހިފައެވެ

އޭގެ އިތުރުން، މި މިސްކިތްތަކުގައި ރަމަޟާން މަހުގެ ފަހު 10 ގެ ދުވަސްތަކުގައި އަޅުކަން ކުރުމުގެ ގޮތުން އިއުތިކާފަށް ތިބޭ ގޮތަށް ވެސް ވަނީ ހަމަޖެހިފައެވެ.