އެޑިއުކޭޝަން މިނިސްޓްރީގެ ނައިބު ކަމަށް އިހްސާން އައްޔަންކޮށްފި
16 މެއި 2019 | ބުރާސްފަތި 11:52މިނިސްޓަރުން ނައިބުން ފެންވަރުގައި 64 ބޭފުޅަކު އެބަތިއްބެވި
މިނިސްޓަރުގެ ނައިބްކަމަށް އައްޔަނުކުރެއްވި އިހްސާން
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މިނިސްޓަރ އޮފް އެޑިޔުކޭޝަންގެ ނައިބުގެ މަޤާމަށް، މުޙައްމަދު އިޙްސާން އައްޔަނު ކުރައްވައިފިއެވެ.
ރައީސް އޮފީހުން ބުނީ ގޮތުގައި އިހުސާން ނައިބު މިނިސްޓަރު ކަމަށް އައްޔަންކޮށްފައި ވަނީ ބުރާސްފަތި ދުވަހު ކަމަށެވެ.
މުޙައްމަދު އިޙްސާނަކީ މޯލްޑިވްސް ކޮލެޖް އޮފް ހަޔަރ އެޑިޔުކޭޝަނުން ޑިޕްލޮމާ އިން ޓީޗިންގ، މިޑްލް ސްކޫލް ހާސިލު ކުރައްވާފައިވާ ބޭފުޅެކެވެ. އަދި މުޙައްމަދު އިޙްސާން މިހައިތަނަށް ހުންނެވީ މަޖީދިއްޔާ ސްކޫލްގެ މެތަމެޓިކްސް ޓީޗަރެއްގެ މަގާމުގައި ކަމަށް ރައީސް އޮފީހުން ބުންޏެވެ.
އެޑިއުކޭޝަން މިނިސްޓްރީގައި މިވަގުތު ހުންނަވަނީ އެންމެ ނައިބް މިނިސްޓަރެކެވެ. އެއީ ޝަރުމާ ނަޞީރު އެވެ.
މި ސަރުކާރުގައި މިނިސްޓަރުން ނައިބުން ފެންވަރުގައި 64 ބޭފުޅަކު އެބަތިއްބެވި އެވެ.
