އިރުފާން އާއި އެކު މަސައްކަތް ނުކޮށް ދޫކޮށްލަން ބޭނުމެއް ނޫން: ކަރީނާ
12 މެއި 2019 | އާދީއްތަ 18:54"އަންގްރޭޒީ މީޑިއަމް" ގައި ކަރީނާ ފެނިގެންދާނީ ކޮޕެއް ގެ ރޯލުން
އިރުފާން ޚާން އާއި ކަޜީނާ ކަޕޫރު
ބޮލީވުޑް އެކްޓަރ ކަރީނާ ކަޕޫރު އިރުފާން ޚާން އާއި އެކު ފުރަތަމަ ފަހަރަށް ފެނިގެންދާ ފިލްމް "އަނގްރޭޒީ މީޑިއަމް" ގެ ޝޫޓިންތައް ފެށުމަށް ތައްޔާރުވަމުން ދާކަމަށް ކަރީނާ ވަނީ ބުނެފައެވެ.
"ޕީޓީއޭ" އަށް ދިން އިންޓަވިއު އެއްގައި ކަރީނާ ބުނެފައިވަނީ ފިލްމްގައި ކިތެންމެ ކުޑަ ރޯލެއް އަދާކުރަން ޖެހުނު ނަމަވެސް އެއީ ލިބޭނެ ވަރަށް ބޮޑު ތަޖުރިބާއެއް ކަމަށެވެ.
" އަހަރެން މި ފިލްމްގައި ފެނިގެންދާނީ ވަރަށް ކުޑަމަންޒަރަކުން. އަދި އަހަރެން ބޭނުމެއް ނޫން އިރުފާން އާއި އެކު މަސައްކަތް ކުރުމުގެ ފުރުސަތު ގެއްލުވާލާކަށް" ކަރީނާ ވަނީ ބުނެފައެވެ.
"އަންގްރޭޒީ މީޑިއަމް" ގައި ކަރީނާ ފެނިގެންދާނީ ކޮޕެއް ގެ ރޯލުންނެވެ. އަދި އެރޯލު ކުޅުމަށް އެކްސައިޓްވެފައި ހުރި ކަމަށް ކަރީނާ ވަނީ ބުނެފައެވެ.
"އަންގްރޭޒީ މީޑިއަމް" އަކީ 2017 ވަނަ އަހަރު ރިލީޒްކުރި ފިލްމް "ހިންދީ މީޑިއަމް" ގެ ސީކުއެލްއެވެ.
ހިންދީ މީޑިއަމްގައި އިރުފާން ކުޅެފައިވަނީ ދިއްލީގެ މުއްސަނދި ވިޔަފާރިވެރިއެއްގެ ރޯލެވެ.
މި ފިލްމްގެ މަސައްކަތް އިރުފާން ފަށާފައި މިވަނީ ލަންޑަންގައި ކެންސަރު ބައްޔަށް ފަރުވާ ހޯދުމަށްފަހު އެނބުރި އިންޑިއާއަށް ދިއުމަށް ފަހުއެވެ.
