ހިލަރީ ޑަފް އާއި ލޯބިވެރިޔާ އެންގޭޖް ވެއްޖެ
ޑަފް އާއި ކޮމާ އެންގޭޖްކޮށްފައި މި ވަނީ އެ ދެ މީހުންގެ ފުރަތަމަ ދަރިފުޅު ލިބުނުތާ ހަތް މަސް ފަހުން
ހިލަރީ ޑަފް އާއި މެތިވް ކޮމާ
އެމެރިކަން އެކްޓަރ ހިލަރީ ޑަފް އާއި އޭނާގެ ލޯބިވެރިޔާ މެތިވް ކޮމާ އެންގޭޖް ކޮށްފިއެވެ.
އެންގޭޖްމަންޓް ރިންގް ފެންނަ ގޮތަށް ދެ މީހުންގެ ފޮޓޯ ހިއްސާކޮށް އެ ދެ މީހުން އެންގޭޖް ކުރިކަން ޑަފް ހާމަކޮށްފައވަނީ މިދިޔަ ބުރާސްފަތި ދުވަހުއެވެ.
އަދި ފޮޓޯގެ ކެޕްޝަންގައި ލިޔެފައި ވަނީ "ހީ އާކްސް މީ ޓު ބީ ހިޒް ވައިފް" އެވެ.
ކޮމާ ވެސް ވަނީ ހަމަ އެ ފޮޓޯ ހިއްސާކޮށް ފޮޓޯގެ ކެޕްޝަންގައި "އައި އާސްކް މައި ބެސްޓް ފްރެންޑް ޓު މެރީ މީ... ހިލަރީ ޑަފް" ލިޔެފައެވެ.
އެ ދެ މީހުންގެ ފޮޓޯއަށް ގިނަ ތަރިން ވަނީ މަރުހަބާ ކިޔައި ކޮމެންޓް ކޮށްފައެވެ.
ޑަފް އާއި ކޮމާ އެންގޭޖް ކޮށްފައި މި ވަނީ އެ ދެމީހުންގެ ފުރަތަމަ ދަރިފުޅު ލިބުނުތާ ހަތް މަސް ފަހުންނެވެ.
ޑަފް 31، އަށް އަންހެން ދަރިފުޅަކު ލިބުނު ކަން އިއުލާން ކޮށްފައި ވަނީ މިދިޔަ އަހަރުގެ އޮކްޓޯބަރު 25 ގައެވެ.
އެ ދަރިފުޅަށް ދީފައިވާ ނަމަކީ ބޭންކްސް ވިއޯލެޓް ބެއަރއެވެ.
ޑަފް އަށް ވަނީ މީގެ ކުރިން ވެސް ފިރިހެން ދަރިއަކު ލިބިފައެވެ. އެއީ އޭނާގެ ކުރީގެ ލޯބިވެރިޔާ މައިކް ކޮމްރީގެ ދަރިއެކެވެ. ހަ އަހަރުގެ މި ދަރިފުޅަށް ދީފައިވާ ނަމަކީ ލޫކާ ކޮމްރީއެވެ.
