ރޯދަ މަހުގެ ފުރަތަމަ ދުވަހު، ޝަރްޖާގައި އާ 30 މިސްކިތެއް ހުޅުވައިފި
7 މެއި 2019 | އަންގާރަ 04:14މިސްކިތްތައް ގިނަ ކޮށްފައިވަނީ ރޯދަ މަހު މިސްކިތްތަކަށް އަރާ މީހުންގެ އަދަދު ގިނަވުމުން
ދުބާއީގެ މިސްކިތެއް
ޔޫއޭއީގެ ތިން ވަނަ އަށް އެންމެ ބޮޑު ޝަރްޖާ ސިޓީގައި އާ 30 މިސްކިތެއް ހުޅުވައިފިއެވެ.
އެކި ގޮތްތަކަށް ފަރުމާ ކޮށްފައިވާ އެ މިސްކިތްތައް ހުޅުވާފައިވަނީ ހޯމަ ދުވަހުއެވެ. އެ މިސްކިތްތައް އަޅާފައިވަނީ އިސްލާމިކް މިނިސްޓްރީން ރަމަޝާން އަދި އީދާ ދިމާކޮށް ގިނަ ބަޔަކަށް ނަމާދު ކުރެވޭ ގޮތެއް ހެދުމަށާއި، ރޯދަ މަހު މިސްކިތްތަކަށް ނަމާދަށް އަރާ މީހުން ގިނަވުމުންނެވެ.
އިސްލާމިކް މިނިސްޓްރީން ބުނީ، ފާއިތުވި އަހަރު ތަކުގެ ރޯދަމަހު ދުރުސަރަހައްދު ތަކުން ޝަރްޖާ އަށް ނަމާދު ކުރަން އަންނަ މީހުން މިސްކިތުގައި ޖާގަ ނެތުމުގެ ސަބަބުން ގިނަ ފަހަރު ނަމާދު ކުރަން ޖެހެނީ މިސްކިތުގެ ބޭރުގައި ކަމަށެވެ. އޭގެ ތެރޭގައި މިސްކިތުގެ ގޯތި ތެރެއާއި ޕާކިން ޒޯންތައް ހިމެނޭ ކަމަށާއި، ރޯދަ މަހުގެ ފުރަތަމަ 10 ދުވަހު ތަރާވީސް ނަމާދާއީ ތަހަޖުދް ނަމާދު ކުރާ މީހުންގެ އަދަދު ގިނަ ކަމަށެވެ.
ޝަރްޖާގެ ޑިޕާޓްމެންޓް އޮފް އިސްލާމިކް އެފެއާސްގެ އަލް ޙަޔަލް ވިދާޅުވީ، އަލަށް ހުޅުވި މިސްކިތްތަކަކީ އެންމެ ރަނގަޅު ފެންވަރުގައި ހަދާފައިވާ މިސްކިތްތައް ކަމަށެެވެ.
އެ މިސްކިތްތަކުގެ އިތުރުން އެހެނިހެން މިސްކިތްތަކުގައި ރޯދަމަހާ ދިމާކޮށް ދީނީ ހޭލުންތެރިކަން އިތުރުކުރުމުގެ ގިނަ ޕްރޮގްރާމްތަކެއް ހިންގުމަށް ވަނީ ހަމަޖެހިފައެވެ.
