ޕްރިޔަންކާގެ ކޮއްކޮ ސިދާތުގެ ކައިވެނި ކެންސަލްވި ސަބަބަކީ މިއީ!
ސިދާތަށް ވަގުތު ބޭނުންވާ ކަމަށް ވަނީ ބުނެފައި
ޕްރިޔަންކާ ޗޯަޕްރާ އާއި ސިދާތް ޗޯޕްރާ އަދި އިޝިތާ
އެކްޓަރ ޕްރިޔަންކާ ޗޯޕްރާގެ މަންމަ މަދޫ ޗޯޕްރާ އޭނާގެ ފިރިހެން ދަރިފުޅު ސިދާތް ޗޯޕްރާގެ ކައިވެނި އެންމެ ފަހު ވަގުތު ކެންސަލްވި ގޮތުގެ ވާހަކަ ކިޔައިދީފިއެވެ.
ސިދާތް އާއި އިޝިތާގެ ކައިވެނި ފަސް ނުކުރާ ކަމަށާއި ކައިވެނި ކެންސަލް ވީ ކަމަށް މީގެ ކުރިން މަދޫ ވަނީ ބުނެފައެވެ.
ސްޕޮޓް ބޯއީ އަށް ދިން އިންޓަވިއުގައި މަދޫ ބުނެފައި ވަނީ ސިދާތް އަދި ކައިވެންޏަށް ތައްޔާރު ނޫން ކަމަށް އޭނާ ބުނެފައިވާ ކަމަށެވެ. އަދި ސިދާތަށް ވަގުތު ބޭނުންވާ ކަމަށް ވަނީ ބުނެއެވެ.
ސިދާތް އާއި ފިއޭންސޭ އިޝިތާ ކުރިން ކައިވެނި ކުރުމަށް ހަމަޖެހިފައި ވަނީ މިދިޔަ އެޕްރީލް މަހުގެ 30 ގައެވެ. ނުރަސްމީކޮށް އެ ދެ މީހުންގެ އެންގޭޖްމަންޓް ބާއްވާފައި ވަނީ މިދިޔަ ފެބްރުއަރީ މަހުއެވެ. އެ ހަފްލާގައި ޕްރިޔަންކާ އާއި އޭނާގެ ފިރިމީހާ ނިކް ޖޯންސް ވެސް ވަނީ ބައިވެރިވެފައެވެ.
