އޮފީހެއް ފަޅާލައި، ދެ ލައްކައަށްވުރެ ގިނަ ރުފިޔާ ވަގަށް ނަގައިފި
ފުލުހުން ބުނީ އެ އޮފީީހުން ވައްކަންކޮށްފައިވަނީ އޮފީހުގެ ތަޅު ހަލާކުކޮށްލައިގެންވަދެކަމަށް
ފުލުހުންތަކެއް މަގުމަތީގައި ހަރަކާތްތެރިވަނީ
އިންޓަނޭޝަނަލް ފުޑް ސޮލިއުޝަންގެ އޮފީސް ފަޅާލައި ދެ ލައްކައަށް ވުރެ ގިނަ ފައިސާ ވަގަށް ނަގައިފި އެވެ.
ފުލުހުން ބުނީ އިންޓަނޭޝަނަލް ފުޑް ސޮލިއުޝަނުން ވައްކަން ކޮޮށްފައިވާކަމުގެ ރިޕޯޓް ލިބިފައިވަނީ ހެނދުނު 8:42 ކަން ހާއިރު ކަމަށެވެ. އަދި ވަގަށް ނަގާފައިވަނީ އޮފީހުގެ ތިޖޫރި ހަލާކުކޮށްލައިގެން، އެ ތިޖޫރީގައި ހުރި 234،923 (ދެ ލައްކަ ތިރީސް ހަތަރު ހާސް ނުވަ ސަތޭކަ ތޭވީސް) ރުފިޔާ ކަމަށް ފުލުހުން ބުންޏެވެ.
ފުލުހުން ބުނީ އެ އޮފީީހުން ވައްކަން ކޮށްފައިވަނީ އޮފީހުގެ ތަޅު ހަލާކުކޮށްލައިގެންވަދެކަމަށެވެ.
ފުލުހުން އަންނަނީ މައްސަލަ އިތުރަށް ތަހުޤީޤް ކުރަމުންނެވެ.
ކޮންމެ އަހަރެއްގެ ރަމަޟާން މަހާއި ދިމާކޮށް ވައްކަމުގެ މައްސަލަތައް އިތުރުވާއިރު، އެކަންކަމަށް ސަމާލުވުމަށް ފުލުހުން ވަނީ އިލްތިމާސްކޮށްފަ އެވެ.
