މުމްތާޒް މަރުވިކަމަށް ދެކެވޭ ވާހަކަ ދޮގުކޮށްފި
5 މެއި 2019 | އާދީއްތަ 10:40މުމުތާޒް މަރުވި ކަމުގެ އަޑު ފެތުރިފައިވަނީ މިދިޔަ ހުކުރު
މުމްތާޒް
ވެޓްރަން އެކްޓަރ މުމްތާޒް މަރުވި ކަމަށް ދެކެވޭ ވާހަކަތައް އޭނާގެ އަންހެން ދަރިފުޅު ތާންޔާ މަދްވާނީ ދޮގުކޮށްފި އެވެ.
ތާންޔާ ބުނެފައި ވަނީ މުމްތާޒް ހުރީ ފުރިހަމަ ސިއްޚަތެއްގައި ކުރިއެކޭ ވެސް އެއްގޮތަށް އެހާމެ ރީތިކޮށް ކަމަށެވެ. މުމްތާޒް މަރުވި ކަމަށް ދެކެވޭ ވާހަކަތަކަކީ އެއްވެސް ހަގީގަތެއް ނެތް ވާހަކަތަކެއް ކަމަށާއި އޭނާގެ ހާލު ރަނގަޅު ކަމުގެ ޚަބަރު ފޭނުންނަށް ދިނުމަށް ތާންޔާގެ ގާތު އެދިފައިވާ ކަމަށެވެ.
މުމުތާޒް މިވަގުތު ހުރީ ލަންޑަންގައި ކަމަށް ތާންޔާ ވަނީ ބުނެފައެވެ. މުމުތާޒް މަރުވި ކަމުގެ އަޑު ފެތުރިފައި ވަނީ މިދިޔަ ހުކުރު ދުވަހުއެވެ.
އުމުރުން 70 އަހަރުގެ މުމްތާޒް މަރުވި ކަމުގެ އަޑު ކުރިން ވެސް ވަނީ ފެތުރިގެން ގޮސްފައެވެ.
1970 ގެ އަހަރުތަކުގައި މަޝްހޫރު ތަރިންގެ ތެރޭގައި ހިމެނޭ މުމްތާޒް ކުޅެފައިވާ ފިލްމްތަކުގެ ތެރޭގައި "މޭލާ"، "އަޕްރާދް"، "ނާގިން"، "ބްރަމާޗަރީ"، ރާމް އައުރު ޝިޔާމް"، "ދޯ ރާސްތޭ"، "އާޕްކީ ކަސަމް" އަދި "ކިލޯނާ" ހިމެނެއެވެ.
