މިދިޔަ މަހު ވެސް އެންމެ ގިނައީ ވައްކަން، ހުށަހެޅީ ވައްކަމުގެ 386 މައްސަލަ
މާރާމާރީގެ 40 މައްސަލަ މިދިޔަ މަހު ހުށަހެޅި
ތަހުގީގަށް މަގެއް ކޯޑަންކޮށްފައި: ކުށުގެ މައްސަލަ
މިދިޔަ މަހު ވައްކަމުގެ މައްސަލަތައް އިތުރުވެ، ފުލުހުންނަށް ހުށަހެޅި ވައްކަމުގެ މައްސަލަތައް 386އަށް އަރާފައިވާކަން ފުލުހުންގެ ތަފާސް ހިސާބުން ދައްކައިފިއެވެ.
ފުލުހުންގެ ތަފާސް ހިސާބުތަކުން ދައްކާ ގޮތުން، މިދިޔަ މަހު ވަނީ އޭގެ ކުރީ މަހާ އަޅާ ބަލާއިރު، 43 ޕަސެންޓަށް ވައްކަމުގެ މައްސަލަތައް އިތުރުވެފައެވެ. މިދިޔަ އޭޕްރީލް މަހު ވައްކަމުގެ 386 މައްސަލަ ފުލުހުންނަށް ހުށަހަޅާފައިވާއިރު، މާޗު މަހު ހުށަހަޅާފައި ވަނީ 270 މައްސަލައެވެ.
ވައްކަމާއި މާރާމާރީ އާއި މަސްތުވާތަކެތީގެ މައްސަލަތަކާއި ފޭރުމާއި ޓެރެފިކް މައްސަލަތަކާއި ގެވެށި އަނިޔާތަކުގެ މައްސަލަތަކާ އެކު، މިދިޔަ މަހު ފުލުހުންނަށް ވަނީ 1،201 މައްސަލަ ހުށަހަޅާފައެވެ. ފާއިތުވި މާޗު މަހު ފުލުހުންނަށް ހުށަހެޅީ 1098 މައްސަލައެވެ.
މިދިޔަ މަހު ފުލުހުންނަށް ހުށަހެޅި މައްސަލަތަކުގެ ތެރެއިން ވައްކަން އެންމެ އިތުރުވިއިރު، ދެ ވަނައަށް އެންމެ ގިނައީ ޓެރެފިކް މައްސަލަތަކެވެ. އެގޮތުން މިދިޔަ މަހު ވަނީ ޓެރެފިކްގެ 240 މައްސަލަ ބަލަން ފަށާފައެވެ.
މާރާމާރީގެ 40 މައްސަލަ މިދިޔަ މަހު ފުލުހުން ތަހުގީގު ކުރަން ފަށާފައިވާއިރު، ފޭރުމުގެ 32 މައްސަލަ މިދިޔަ މަހު ވަނީ ހުށަހަޅާފައެވެ. ނަމަވެސް މާޗު މަހަށް ވުރެ މިދިޔަ މަހު ވަނީ ފޭރުމުގެ މައްސަލަތައް 25 ޕަސެންޓް ދަށްވެފައެވެ.
