ޕްރިޔަންކާގެ ކޮއްކޮ ސިދާތުގެ ކައިވެނި ކެންސަލް

އެކްޓަރ ޕްރިޔަންކާ ޗޯޕްރާ ދާދި ފަހުން ވަނީ އޭނާގެ ފިރިހެން ކޮއްކޮ ސިދާތް ޗޯޕްރާގެ ކައިވެނީގެ ހަފްލާއަށް އިންޑިއާއަށް ދިއުމަށްފަހު އެނބުރި ޔޫއެސް އަށް ގޮސްފައެވެ.

ޕްރިޔަންކާ އެނބުރި ޔޫއެސްއަށް ގޮސްފައިވަނީ ސިދާތްގެ ކައިވެނި ފަސްކުރުމުން ކަމަށް ކުރިން ރިޕޯޓްތައް ބުނި ނަމަވެސް އެންމެ ފަހުގެ ރިޕޯޓްތައް ބުނާގޮތުން އެކައިވެނި ވަނީ ކެންސަލްވެފައެވެ.

މި ކައިވެނި ފަސްކޮށްފައިވަނީ ސިދާތްގެ ފިއޭންސޭ އިޝިތާ ކުމާރު އިމެޖެންސީ ސާރޖަރީއެއް ހަދަން ޖެހުމުންކަމަށް ކުރިން ރިޕޯޓްތައް ބުނި ނަމަވެސް އެންމެ ފަހުގެ ރިޕޯޓްތައް ބުނާ ގޮތުން އެ ދެ މީހުން ވަނީ މީގެ ކުޑަ ދުވަސްކޮޅެއް ކުރިން ބްރޭކަޕް ވެފައެވެ.

މުމްބާއީ މިރޯގައި ރިޕޯޓްކޮށްފައިވާ ގޮތުން އިޝިތާ ވަނީ ރެސްޓޯރެންޓަކަށް ގޮސް ނަގާފައިވާ ފޮޓޯ އެއް ޕޯސްޓްކޮށްފައެވެ. މި ފޮޓޯގެ ކެޕްޝަންގައި "ޗިއަރސް ޓު ނިއު ބިގިނިންގ. ވިތު އަ ގުޑްބައި ކިސް ޓު ބިއުޓިފުލް އެންޑިންގްސް" ލިޔެފައިވެއެވެ.

މި ކެޕްޝަން އިން ދޭހަކޮށްދެނީ ސިދާތުއާ ބްރޭކަޕް ވީ ކަމަށް ވެދާނެ ކަމަށް ރިޕޯޓްތައް ބުނެއެވެ.

މީގެ ކުރިން އިޝިތާ ވަނީ ބަރައިޑަލް ޝަވަރ ފޮޓޯތައް ވެސް ހިއްސާކޮށްފައެވެ. ނަމަވެސް އިޝިތާގެ ސޯޝަލް އެކައުންޓްތަކުގައި އޭނާ އާއި ސިދާތުގެ ގިނަ ފޮޓޯތައް މިހާރު ނެތްކަމަށް ރިޕޯޓްތައް ބުނެއެވެ.