ޓައިގާގެ ވާހަކަ ވަނީ ނިމިފައި: އަލީ އައްބާސް
މި ފިލްމްގެ މަސައްކަތް ފަށަނީ " ބާރަތް" ރިލީޒް ކުރުމަށް ފަހުގައި
ސަލްމާން ޚާން އާއި ކެޓްރީނާ ކެއިފް
ސަލްމާން ޚާން އާއި ކެޓްރީނާ ކެއިފް ލީޑް ރޯލު ކުޅެފައިވާ ޓައިގާ ފަރެންޗައިސް ގެ ތިންވަނަ ފިލްމް ގެ ވާހަކަ ވަނީ ނިމިފައި ކަމަށް ފިލްމް ގެ ޑައިރެކްޓަރ އަލީ އައްބާސް ޒަފަރު ބުނެފިއެވެ.
" އަހަރެންނަށް އެންމެ މުހިއްމު ކަމަކީ ފިލްމްގެ ވާހަކަ ފުރަތަމަ ފައިނަލް ކުރުން. ޓައިގާގެ ވާހަކަ އާއި މެދު އަހަރެން ވަރަށް ހިތްހަމަޖެހޭ." އަލީ ވަނީ ބުނެފައެވެ.
މި ފްރެންޗައިސްގެ ފުރަތަމަ އިންސްޓޯލްމަންޓް " އޭކްތާ ޓައިގާ" ޑައިރެކްޓް ކޮށްފައިވަނީ ކަބީރް ޚާން އެވެ. މީގެ ދެވަނަ އިންސްޓޯލްމަންޓް "ޓައިގާ ޒިންދާހޭ" ޑައިރެކްޓް ކޮށްފައިވަނީ އަލީ އެވެ.
މި ދެފިލްމްގައިވެސް ފެނިގެން ގޮސްފައިވަނީ ސަލްމާން ޚާން އާއި ކެޓްރީނާ ކެއިފްއެވެ.
އަލީ ބުނެފައިވަނީ މި ފިލްމްގެ މަސައްކަތް ފަށާނީ އޭނާގެ އަންނަން އޮތް ފިލްމް " ބާރަތް" ރިލީޒް ކުރުމަށް ފަހުގައި ކަމަށެވެ.
"ފުރަތަމަ ބާރަތް ރިލީޒް ކުރަންދެން މަޑުކުރާންނަން. ނަމަވެސް އަހަރެން ވަނީ ސަމްލާން އާއި އަދިތްޔާ އާއި މަޝްވަރާކޮށްފައި. އަލީ ވަނީ ބުނެފައެވެ.
"ބާރަތް" ރިލީޒް ކުރުމަށް ހަމަޖެހިފައިވަނީ މިއހަރުގެ ޖޫން މަހުގެ ފަހެއްގައެވެ.
