އަންހެނުންނަށް ކެންސަރު ޖެހުނުކަން އެނގުނީ އަޔުޝްމަންގެ އުފަންދުވަހު!

ބޮލީވުޑް އެކްޓަރ އަޔުޝްމަން ކުރާނާ އަށް ނިމިގެންދިޔަ 2018 ވަނަ އަހަރު ވެގެން ގޮސްފައި ވަނީ ވަރަށް ޚާއްސަ އަހަރަކަށެވެ.

މިދިޔަ އަހަރު ރިލީޒްކުރި އަޔުޝްމަން ކުޅެފައިވާ ދެ ފިލްމް ކަމަށްވާ "އަންދާދުން" އަދި "ބަދާއީހޯ" ވެގެން ގޮސްފައިވަނީ ބޮކްސް އޮފީހުގައި ކާމިޔާބު ދެ ފިލްމަށެވެ.

މީގެ އިތުރުން މިދިޔަ އަހަރު ވެގެން ގޮސްފައި ވަނީ އަޔުޝްމަންގެ އަމިއްލަ ދިރިއުޅުމަށް ވަރަށް ބޮޑު ބަދަލެއް އައި އަހަރަކަށެވެ.

ރަޖީވް މަސަންދް އަށް ދިން އިންޓަވިއުގައި އަޔުޝްމަން ބުނެފައި ވަނީ އޭނާގެ އަންހެނުން ތާހިރާ ކަޝްޔަޕް އަށް ކެންސަރު ޖެހިފައިވާކަން އެނގިފައި ވަނީ އޭނާގެ އުފަންދުވަހު ކަމަށެވެ. ނަމަވެސް ތާހިރާގެ ހިތްވަރު ގަދަކަން އަޔުޝްމަން ވަނީ ފާހަގަ ކޮށްފައެވެ.

އެދުވަސްވަރަކީ އޭނާގެ ފިލްމް ޕްރޯޝަން ކުރިއަށް ދިޔަ ސުވަސްވަރު ކަމަށާއި ނަމަވެސް މިބައްޔާ ހަނގުރާމަ ކުރީ ދެ މީހުން އެކުގައި ކަމަށް އަޔުޝްމަން ވަނީ ބުނެފައެވެ.

އަޔުޝްމަންގެ ކުރިއަށް އަންނަން އޮތް ފިލްމްތަކުގެ ތެރޭގައި "އާޓިކަލް 15" އަދި "ޑްރީމް ގާރލް" ހިމެނެއެވެ.

މި ފިލްމްގެ ނަން ހާމަކޮށްފައިވީ ނަމަވެސް މި ދެ ފިލްމާ ގުޅޭ ގޮތުން އިތުރު ތަފްސީލްތަކެއް ހާމަކޮށްފައެއް ނުވެއެވެ.