ޑިންގީއެއްގެ ބުރަފަތީގައި ޖެހި ބިދޭސީއެއް މަރުވެއްޖެ
މަރުވެފައިވަނީ 41 ގެ ބަންގްލަދޭޝް މީހެއް
ބިދޭސީން
ޑިންގީއެއް ދުއްވަން ހުރި ބިދޭސީއަކު މޫދަށް ވެއްޓި އެ ޑިންގީގެ ބުރަފަތީގައި ޖެހި މަރުވެއްޖެއެވެ.
ފުލުހުން ބުނެފައިވަނީ އެ ހާދިސާގެ މައުލޫމާތު ލިބިފައިވަނީ 11:12 ގައި ކަމަށާއި މަރުވެފައި ވަނީ އއ. ހަވެލި ރިސޯޓުގެ ޑައިވިން ދޯންޏެއްގެ ފަޅުވެރިއެއްގެ ގޮތުގައި މަސައްކަތް ކުރާ އުމުރުން 41 ގެ ބަންގްލަދޭޝް މީހެއް ކަމަށެވެ. މައުލޫމާތު ލިބިފައިވާ ގޮތުގައި ޑައިވިން ދޯނީގެ ޑިންގީގައި އެ ދޯނީގެ ކެޕްޓަން ބަލާ ދިޔުމަށް ނައްޓާލި ވަގުތު ފަހަތަށް ވެއްޓި، ޑިންގީގެ ބުރަފަތީގައި ބަންގްލަދޭޝް މީހާގެ ބޯޖެހިފައިވާ ކަމަށެވެ. ފުލުހުން ބުނެފައިވަނި އެމީހާ ވެއްޓުން ތަން ފެނިގެން އެ ސަރަހައްދުގައި ތިބި މީހުންނަށް ދެވުނު އިރު އެ މީހާގެ ގަމީސް އޮތީ ޑިންގީގެ ބުރަފަތީގައި އޮޅިފައި ކަަމަށެވެ .
ފުލުހުން އިތުރަށް ބުނެފައިވަނި އެ މީހާ އަތޮޅު ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށާއި އެ މައްސަލަ އިތުރަށް ތަހުގީގު ކުރަމުން އަންނަކަމަށެވެ .
