އިރުފާނަށް ޖެހުނީ ބަނޑުގެ ކެންސަރ
އިތުރު ފަރުވާއަށް އިންޑިއާއިން ބޭރަށް އިރުފާން ފުރާނެ
އިރްފާން ޚާން
ފިލްމީ ތަރި އިރްފާން ޚާނަށް ގޮތް ނޭގޭ ބައްޔެއް ޖެހިފައިވާކަމަށް ބުނެ ޚަބަރު އާންމު ކޮށްފައިވަނީ ނިމިދިޔަ ހަފްތާގައެވެ.
އިރުފާން ވަނީ އެއްހަފްތާ ދުވަސް ފަހުން އޭނާގެ ބަލި އާންމުކޮށްފައެވެ. އިރުފާން ކޮށްފައިވާ ޓްވީޓެއްގައި ބުނެފައިވަނީ އޭނާ އަށް ނިއުރޯއެންޑޮކްރައިން ޓިއުމާ (ނެޓްސް) ޖެހިފައިވާ ކަމަށާއި އެއީ ބަނޑަށް ޖެހޭ ކެންސަރުގެ ބާވަތެއް ކަމަށެވެ. އަދި އެކަމަށް ފަރުވާ ހޯދުމަށް އިންޑިއާ ނޫން އެހެން ގައުމަކަށް ދާންޖެހިފައިވާ ކަމަށް އިރުފާނު ވަނީ ބުނެފައެވެ. އިރުފާން ބުނީ އޭނާ ބޭނުންވަނީ އެކަމުގައި އޭނާގެ ފޭނުންނާއި އާންމުންގެ ހެޔޮ ދުއާ ކަމަށެވެ.
އިރްފާންގެ އަންހެނުން މީގެ ކުރިން ބުނެފައިވަނީ އިރްފާނަކީ ހިތްވަރުގަދަ މީހެއްކަމަށާއި އޭނާގެ ހަޔާތުގައި ދިމާވާ ކަންތައްތަކާ ކުރިމަތި ލަނީ އަބަދުވެސް އުއްމީދާއި އެކުގައި ކަމަށެވެ.
އިރްފާން ބަލިވުމުގެ ސަބަބުން އޭނާކުޅެން ހަމަޖެހިފައިވާ ފިލްމުތަކުގެ ޝޫޓިންތައް ވަނީ މަޑުޖައްސާލަން ޖެހިފައެވެ. އެގޮތުން އޭނާ ބަލިވެފައި ވަނީ ދީޕިކާ ޕަދުކޯން އާ އެކު ވިޝާލް ބަރްދްވާޖްގެ ފިލްމުގެ ޝޫޓިން ފެށުމަށް ތައްޔާރުވެފައި ވަނިކޮށެވެ.އެ ފިލްމުގެ ޝޫޓިން ވަނީ މިހާރު ފަސްކޮށްފައެވެ.
އޭނާ ދެން އެންމެ އަވަހަށް ފެނިގެން ދާނީ އަންނަ މަހުގެ 6 ގައި ރިލީޒް ކުރާ "ބްލެކްމެއިލް" އިންނެވެ.
