'އިވެން ރޫޑު'- އައުޓު ބޯޑު އިންޖީނަށް ހާއްސަ ތަފާތު އުފެއްދުމެއް!

އައުޓު ބޯޑު އިންޖީނަށް ހާއްސަ 'އިވެން ރޫޑު' އާއި ބެހޭ ހާއްސަ މަސައްކަތު ބައްދަލުވުމެއް ފަށައިފިއެވެ.

މިމަސައްކަތު ބައްދަލުވުމުގެ ތެރޭގައި އިވެން ރޫޑާއި ބެހޭ މައުލޫމާތު މިކަމުގެ ފަންނީ މާހިރުން ހިއްސާ ކޮށްދީފައިވާ ކަމަށާއި އަދި އިވެން ރޫޑުގެ ކަސްޓަމަރުންނަށް ހާއްސަކޮށްގެން މާދަމާ ސަރވިސް ކެމްޕެއިނެއް ޓޯޔާޑް ސަރަހައްދުގައި ކުރިއަށްދާނެ ކަމަށް ޑީޓެކް ކޮމްޕެނީގެ މެނޭޖިން ޑިރެކްޓަރ މަސީޙް އިމާދު ވިދާޅުވިއެވެ.

މާދަމާ ހެނދުނު 8:30 އިން ފެށިގެން ހަވީރު 17:00އާއި ހަމައަށް މި އިވެންޓް ކުރިއަށްދާއިރު، ވޮރަންޓީގެ ދަށުން ހިލޭ ސަރވިސްގެ ޙިދުމަތް ފޯރު ކޮށްދޭނެ ކަމަށް މަސީޙް ވިދާޅުވިއެވެ.

2009 ވަނަ އަހަރުން ފެށިގެން ރާއްޖޭގެ މާރކެޓަށް ތަޢާރަފްކޮށް ވިއްކަމުންދާ އެވިން ރޫޑުގެ އިންޖީނަކީ ގިނަ ބައެއްގެ މެދުގައި މަޤްބޫލުކަން ހޯދަމުން އަންނަ އުފެއްދުމެއް ކަމަށްވާއިރު، ޖީ ވަން އަދި ޖީ ޓޫ އިންޖީނު އެބަހުރި ކަމަށް މަސީޙް ވިދާޅުވިއެވެ.

މިއީ ތެޔޮ ހަރަދު ކުޑަ އިންޖީނަކަށްވާއިރު، އެވިން ރޫޑުގެ ބޮޑު އިންޖީނު ބޭނުންކުރާ ފަނަރައަށް ވުރެ ގިނަ ކަސްޓަމަރުން އެބަތިބި ކަމަށް ވެސް އޭނާ ވިދާޅުވިއެވެ.