ދިވެހި ފުލުހުންގެ ފަރާތުން ލަންކާއަށް ވެދެެވެން އޮތް އެހީ އެއް ވެދޭނަން: ސީޕީ ހަމީދު
28 އެޕްރީލު 2019 | އާދީއްތަ 13:23ލަންކާގެ ބޮމުގެ ހަމަލާއާއި ގުޅިގެން އެގައުމު އޮތީ ބިރުވެރިކަމެއްގައި
ސްރީ ލަންކާގެ އެމްބަސީގައި ހުޅުވާފައިވާ ތައުޒިޔާގެ ދަފްތަރުގައި ސިޕީ ހަމީދު ސޮއިކުރައްވަނީ
ލަންކާގައި ދެވުނު ބޮމުގެ ޓެރެރިސްޓް ހަމަލާތަކާއި ގުޅިގެން ދިވެހި ފުލުހުންގެ ފަރާތުން ލަންކާއަށް ވެދެެވެން އޮތް އެހީ އެއް ވެދެއްވާނެ ކަމަށް ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ހަމީދު މިހެން ވިދާޅުވީ، ހަމަލާތަކާއި ގުޅިގެން މަރުވި މީހުންގެ ހަނދާނުގައި ރާއްޖޭގައި ހުންނަ ސްރީ ލަންކާގެ އެމްބަސީގައި ހުޅުވާފައިވާ ތައުޒިޔާގެ ދަފްތަރުގައި ސޮއިކުރެއްވުމަށްފަހުގައެވެ.
ލަންކާއަށް ދިން ހަމަލާތަކާއި ގުޅިގެން ރާއްޖޭގައިވެސް ސަލާމަތީ ކަންކަން ވަރުގަދަކޮށްފައިވާއިރު، ރާއްޖެއަށް އެފަދަ ނުރައްކަލެއް އޮތްކަމަށް އަދި ނުބެލެވޭކަމަށް ސަލާމަތީ ބާރުތަކުން ވަނީ ބުނެފައެެވެ.
ލަންކާއަށް މިދިޔަ އާދިއްތަ ދުވަހު ދިން ބޮމުގެ ހަމަލާތަކުގައި 259 މީހުން މަރުވެ 500 އަށް ވިރެ ގިނަ މީހުން ވަނީ ޒަޚަމްވެފައެެވެ.
