މިނިސްޓަރ މަހުލޫފް ހޯރަފުއްޓަށް ވަޑައިގަންނަވައިފި
25 އެޕްރީލު 2019 | ބުރާސްފަތި 08:12ހޯރަފުށީގެ އިތުރުން އުލިގަން އަދި ތުރާކުނަށްވެސް ވަޑައިގަންނަވާނެ
މިނިސްޓަރ މަހުލޫފް ހޯރަފުއްޓަށް ވަޑައިގެންނެވުން
ޔޫތު މިނިސްޓަރ އަހުމަދު މަހުލޫފް ހއ.ހޯރަފުއްޓަށް ވަޑައިގަންނަވައިފިއެވެ.
ހޯރަފުއްޓަށް މިނިސްޓަރ މަހުލޫފް ވަޑައިގެންނެވުމުން އެ ރަށުގެ ރައްޔިތުން ވަނީ އެމަނިކުފާނަށް ހޫނު މަރުހަބާއެއް ކިޔާފައެވެ.
މިނިސްޓަރ މަހުލޫފް ހޯރަފުށި ދާއިރާއަށް ކުރައްވާ ދަތުރުފުޅުގައި އުލިގަން އަދި ތުރާކުނަށްވެސް ވަޑައިގެންނެވުމަށް ވަނީ ހަމަޖެހިފައެވެ.
މި ދަތުރުފުޅުގައި މިނިސްޓަރ މަހުލޫފް ހޯރަފުށި، އުލިގަން އަދި ތުރާކުނުގެ ކުޅިވަރު ކުޅޭ ތަންތަން ބަލާލުމަށް ހަމަޖެހިފައިވާއިރު، މި ތިން ރަށުގެ ކައުންސިލާވެސް ބައްދަލުކުރެއްވުމަށް ވަނީ ހަމަޖެހިފައެވެ.
މި ދަތުރުފުޅުގައި މިނިސްޓަރ މަހުލޫފްގެ އަރިހުގައި ރައްޔިތުންގެ މަޖިލިސްގެ ހޯރަފުށި ދާއިރާއަށް ކުރިޔަށް އޮތް ދައުރަށް އިންތިހާބުވެވަޑައިގެންނެވި އަހުމަދު ސަލީމްވެސް ބައިވެރިވެވަޑައިގަންނަވައެވެ.
