މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤު ކުރާ ރިޔާސީ ކޮމިޝަނަށް ސޯޝަލް ކުރީގެ ކޮމިޝަނާ އޮފް ޕޮލިސް އަދި ކިނބިދޫ ދާއިރާގެ މެމްބަރު އަބްދުﷲ ރިޔާޒު ހާޒިރު ކުރުމަށް ނިންމައިފިއެވެ.
ރިޔާޒު އެ ކޮމިޝަނަށް ހާޒިރު ކުރަން ނިންމިކަން ހާމަކޮށްފައި ވަނީ ދީނި އިލްމުވެރިޔާ އަދި އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީ ހަވަހާރަކޮށްލި ހާދިސާއާ ގުޅިގެން ރިޔާޒު އެ ކޮމިޝަނަށް ހާޒިރު ކުރިތޯ އާންމުންގެ މީހަކު ޓްވިޓާގައި ކުރި ސުވާލަކަށް ޖަވާބު ދެމުންނެވެ.
އެ ކޮމިޝަނުން ކުރި ޓްވީޓުގައި ބުނެފައި ވަނީ ރިޔާޒު އެ ކޮމިޝަނަށް އަދި ހާޒިރުކޮށްފައި ނުވާ ކަމަށާއި އޭނާ ހާޒިރު ކުރާނެ ކަމަށެވެ.
Adhi hazir nukurey. Ekamaku haazir kuraane.
— Commission on Disappearances and Deaths (@DdcomMdv) April 21, 2019
މަރުތައް ބަލާ ކޮމިޝަނަށް ރިޔާޒު ހާޒިރު ކުރަން ނިންމާފައި ވަނީ އަފްރާޝީމްގެ މަރާ ގުޅިގެން ހިއްސާ ކުރާނެ އާ ވާހަކަތަކެއް ނެތް ކަމަށް ރިޔާޒު ވިދާޅުވެފައި ވަނިކޮށެވެ. ނަމަވެސް ރިޔާޒު ކުރިން ވިދާޅުވެފައި ވަނީ އެކަށީގެންވާ ޕްލެޓްފޯމެއް ލިބިއްޖެ ނަމަ، އެ މަރާ ގުޅޭ ވާހަކަތައް ހިއްސާ ކުރާނެ ކަމަށެވެ.
އަފްރާޝީމް އަވަހާރަކޮށްލާފައި ވަނީ މީގެ ހަ އަހަރު ކުރިން، 2012 ވަނަ އަހަރުގެ އޮކްޓޯބަރު މަހުގެ ފުރަތަމަ ދުވަހުގެ ރޭ ޓީވީއެމްގެ ދީނީ ޕްރޮގްރާމެއްގައި ބައިވެރިވެވަޑައިގަތުމަށް ފަހު، އެމަނިކުފާނު ދިރިއުޅުއްވާ ހ. ފުންވިލަށް ވަދެވަޑައިގަންނަވަނިކޮށް އެ ރޭ 11:30 އާއި 1:00އާ ދެމެދުގެ ވަގުތެއްގައެވެ.
އަފްރާޝީމް އަވަހާރަކޮށްލި އިރު، ކޮމިޝަނާ އޮފް ޕޮލިސްގެ މަގާމުގައި ހުންނެވީ ރިޔާޒެވެ.
