އާދީއްތަ 16 ޖޫން 2019
14 މިއަހެލި
1440 ޝައްވާލް 12
ފަތިސް 04:36
އިރުއަރާ 05:54
މެންދުރު 12:11
އަސްރު 15:34
މަޣްރިބް 18:19
އިޝާ 19:38
ކުޅިވަރު - ކެޕާ ހޯދަން ރެއާލުން މަސައްކަތްކުރަނީ

ޑެހެއާގެ ބަދަލުގައި ރެއާލުން ކެޕާ ގެންނަން މަސައްކަތްކުރަނީ

  • ކެޕާ އަންނަނީ ޗެލްސީގައި މޮޅު ކުޅުމެއް ދައްކަމުން

ލީވާން އަލީ
MrLeevaan

ކ. މާލެ 8 އޭޕުރިލް 2019 | ހޯމަ 16:53 5,029

ޑެހެއާ (ކ) އަދި ކެޕާ (ވ) - ރައީސް އޮފީސް

މެންޗެސްޓާ ޔުނައިޓެޑަށް ކުޅެމުން އަންނަ ޑޭވިޑް ޑެހެއާގެ ބަދަލުގައި ރެއާލް މެޑްރިޑުން ޗެލްސީއަށް ކުޅެމުން އަންނަ ކެޕާ ގެންނަން މަސައްކަތް ކުރާ ކަމަށް ރިޕޯޓްތައް ބުނެފިއެވެ.

ރިޕޯޓްތައް ބުނާ ގޮތުން ކުރިޔަށް އޮތް ސީޒަނަށް ތައްޔާރުވުމުގެ ގޮތުން ރެއާލުން އަންނަނީ ކީޕަރެއް ހޯދުމުގެ މަސައްކަތް ކުރަމުންނެވެ. އެގޮތުން ރެއާލުން ފުރަތަމަ މަސައްކަތް ކުރީ މީގެ ކުރިން ވެސް އެޓީމުން ހޯދަން މަސައްކަތް ކުރަމުން އައި ޑެހެއާ ގެންނާށެވެ.

ނަމަވެސް ޔުނައިޓެޑުގެ އެއްބާރުލުން އެކަމަށް ނުލިބުމުން، ރެއާލުން މިހާރު މަސައްކަތް ކުރަނީ ކެޕާ ހޯދަން ކަމަށާއި، އެކަމަށް ކުރަން ޖެހޭ އެންމެ ފަހުގެ ކަންކަން ރެއާލުން ކުރަމުން އަންނަ ކަމަށް ވެސް ރިޕޯޓްތައް ބުނެއެވެ.

ޗެލްސީގެ ކޯޗު މައުރީޒިއޯ ސާރީއާ ދެމެދު ހިޔާލު ތަފާތުވުން އުފެދިފައިވާ ކެޕާ މި ސީޒަނަށް ފަހު އެ ކްލަބް ދޫކޮށްލާނެ ކަމަށް މީގެ ކުރިން ވެސް ރިޕޯޓްތައް އައީ ބުނަމުންނެވެ.

އުމުރުން 24 އަހަރުގެ ކެޕާ އެތުލެޓިކް ބިލްބާއޯ ދޫކޮށް  ޗެލްސީއަށް ބަދަލުވީ 72 މިލިއަން ޕައުންޑަށް މި ސީޒަނުގައެވެ. އޭނާ ވަނީ މިހާތަނަށް ޗެލްސީއަށް 44 މެޗު ކުޅެދީފައެވެ.

ކެޕާ ވަނީ ސްޕެއިން ގައުމީ ޓީމަށް މިހާތަނަށް ހަތަރު މެޗު ކުޅެފައެވެ. އަދި އޭނާ ވަނީ 2012 ވަނަ އަހަރު ސްޕެއިންގެ 19 އަހަރުން ދަށުގެ ޓީމާއެކު ޔޫރޯ ކާމިޔާބުކޮށްފައެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް