އެސްޓީއޯ ސުޕަމާޓުގެ ރޯދަ ޕްރޮމޯޝަން ފަށައިފި

މި އަހަރުގެ ރަމަޟާން މަހަށް ހާއްސަކޮށް، އެސްޓީއޯ ސުޕަމާޓުން ހާއްސަ ޕްރޮމޯޝަނެއް ފަށައިފިއެވެ.

އެސްޓީއޯ ސުޕަމާޓުގެ ސުޕަވައިޒަރު ރައްޝާން މުހައްމަދު ނޫސްވެރިންނަށް މައުލޫމާތު ދެއްވަމުން ވިދާޅުވީ މި ޕްރޮމޯޝަންގެ ދަށުން 50 ޕަސެންޓާ ހަމައަށް ޑިސްކައުންޓް ލިބޭނެ ކަމަށެވެ. އަދި މި ޕްރޮމޯޝަންގެ ތެރޭގައި ރަމަޟާން މަހަށް ހާއްސަ ގިނަ ބާވަތްތަކެއްގެ މުދާ އަގު ހެޔޮކޮށް ފޯރުކޮށްދެމުންގެންދާނެކަމަށް އޭނާ ވިދާޅުވިއެވެ.

އޭގެ ތެރޭގައި ބަދިގޭގެ ސާމާނާއި، ގޭގައި ހިފާ ގެންގުޅޭ އެއްޗެހި ހިމެނެއެވެ.

"ކަސްޓަމުންނަށް ހަގު ހެޔޮކޮށް ގިނަ ކާބޯތަކެތީގެ ބާވަތްތަކެއް އަތްލާ ގެންގުޅޭ ސާމާނުގެ އިތުރުން އާންމުގޮތެއްގައި ރޯދަމަހުގައި ބޭނުންކުރާނެ ހުރިހާ ސާމާނެއް ހިމެނޭގޮތުގެމަތިން ފުދޭ ވަރަކަށް ބޮޑު ޑިސްކައުންޓެއް މިކޮޅުން ދެމުންގެންދާނެ" ރައްޝާން ވިދާޅުވި އެވެ.

މި ޕްރޮމޯޝަންގެ ދަށުން ގުރުއަތުން ހޮވޭ ފަރާތަކަށް އިނާމެއްގެ ގޮތުގައިި ސައިކަލެއް ދިނުމަށް ހަމަޖެހިފައިވާއިރު، 500 ރުފިޔާއިން މަތިންކުރާ ކޮންމެ ވިޔަފާރިއަކަށް ކޫޕަނެއް ލިބިގެންދާނެ އެވެ.

މި ޕްރޮމޯޝަން ކުރިއަށްގެންދިއުމަށް ހަމަޖެހިފައި ވަނީ ޖޫން 10 ވަނަ ދުވަހުގެ ނިޔަލަށެވެ. ގުރު ނެގުމަށް ނިންމާފައިވަނީ ޖޫން މަހުގެ 11 ވަނަ ދުވަހު އެވެ.