އެމެރިކާގެ މަޝްހޫރު ރިއަލިޓީ ތަރިއެއް ކަމަށްވާ ކިމް ކާޑޭޝިއަން ވެސްޓްގެ ގިނަ ސިއްރުތަކެއް އާންމުކޮށް ސޯޝަލް މީޑިއާއަށް ލީކްވެއެވެ.

ކިމް އާއި އޭނާގެ މަޝްހޫރު އާއިލާގެ ގިނަ ވާހަކަތައް މީޑިއާގައި ލީކް ވެފައިވާއިރު، އޭގެ ތެރޭގައި ކިމް އާއި ކޮއްކޮމެން- ކްލޯއީ ކާޑޭޝިއަން އާއި ކައިލީ ޖެނަރ- ބަލިވެއިން އިރު، އެ ވާހަކަތައް ވެސް ހިމެނެއެވެ. އަދި އެ އާއިލާއަށް ދިމާވާ އެހެން ގިނަ ކަންތައް ވެސް މިފަދައިން ލީކްވެއެވެ.

އެންމެ ފަހުން މި ގޮތަށް ލީކްވި ހަބަރަކީ ކިމް އާއި ފިރިމީހާ ކާންޔޭ ވެސްޓް ހަތަރު ވަނަ ކުއްޖަކަށް މަރުހަބާ ކިޔަން އުޅޭ ކަމެވެ. އެ ދެ މީހުން ސަރޮގޭޓެއް މެދުވެރިކޮށް ހަތަރުވަނަ ކުއްޖެއް ހޯދަން އުޅޭ ވާހަކަ ލީކް ވެފައިވަނީ މީގެ ދެ މަސް ކުރިންނެވެ.

އެ އާއިލާގެ ޝޯވ ކަމަށްވާ 'ކީޕިންގ އަޕް ވިތު ދަ ކާޑޭޝިއަންސް'ގެ 16 ވަނަ ސީޒަން ހޯމަ ދުވަހު ފަށާއިރު، އޭގެ ޕްރޮމޯއެއްގައި މި ވާހަކަތައް 'ލީކް' ކުރާ ފަރާތެއްގެ ވާހަކަ ކިމް، އޭނާގެ އެންމެ ހަގު ކޮއްކޮ ކައިލީއަށް ކިޔާ ދޭތަން ފެނެއެވެ.

އަދި އޭނާގެ އެންމެ ދޮށީ ދަރިފުޅު، ނޯތު ކަމަށް ކިމް ބުނެއެވެ.

ނޯތު ކިޔަވަންދާ ސްކޫލްގެ ބެލެނިވެރިއެއް އޭނާއަށް މަރްހަބާ ކިޔާ މެސެޖެއް ކުރި ކަމަށް ކިމް ބުނެއެވެ. އަދި އަނެއްކާ ވެސް ފިރިހެން ކޮއްކޮއެއް ލިބެން އުޅޭ ވާހަކަ ނޯތު ދައްކަމުންދާ ކަމަށް އޭނާ ކިމް ކައިރި ބުނެފައިވެއެވެ.

"އަހަރަމެން ވިއްކަމުން މިދަނީ ނޯތު،" ކިމް ޖެއްސުމަށް ބުނެއެވެ.

މި އާއިލާގެ ސިއްރުތައް ލީކް ކުރާ ކަމަށް ޝައްކު ކުރެވޭ މީހުންނާ އެމީހުން ގުޅުން ކަނޑަމުންދާ ކަމަށް ރިޕޯޓްތަކުގައި ބުނެއެވެ. އޭގެ ތެރޭގައި އެކުވެރިން، ޕަރސަނަލް އެސިސްޓަންޓުން، ސްޓައިލިސްޓުން އަދި މޭކް އަޕް އާޓިސްޓުން ހިމެނެއެވެ.