ކޮންމެ އަހަރެއްގެ ވެސް ރަމަޟާން މަހާއި ދިމާކޮށް މީޑިއާ ނެޓް ރޯދަ ހަދިޔާ ޕްރޮމޯޝަން ފަށައިފިއެވެ.
މާރޗް މަހުގެ 28 ވަނަ ދުވަހުން ފެށިގެން މެއި 28ގެ ނިޔަލަށް ކުރިއަށްގެންދާ މިޕްރޮމޯޝަންގައި ކޮންމެ މަހަކު ވެސް ކަސްޓަމަރުންނަށް ހަދިޔާތައް ލިބިގެންދާނެއެވެ.
މިޕްރޮމޯޝަންގެ ނަސީބުވެރި ފަރާތްތަކަށް ދެ ބޭފުޅަކަށް އުމުރާ ދަތުރެއް، 65 އިންޗީގެ ޔޫއެޗްޑީ ޓީވީ، އަދި ސެމްސަންގ އެސް 10 ޕްލަސް ފޯނެއް ލިބޭނެ ކަމަށް އެސިސްޓަންޓް މެނޭޖަރ ޝިއުނާ ހަމީދު ވިދާޅުވިއެވެ.
އެގޮތުން މިޕްރޮމޯޝަން ކުރިއަށްދާ ދެ މަހުގައި ވެސް ގުރުއަތުން ހޮވޭ ފަރާތްތަކަށް މިއިނާމްތައް ލިބޭނެ ކަމަށާއި އެހެންކަމުން މިއީ ކަސްޓަމަރުންނަށް ލިބިގެންދާ ރަނުގެ ފުރުޞަތެއް ކަމަށްވެސް ޝިއުނާ ވިދާޅުވިއެވެ.
މިޕްރޮމޯޝަންގައި ބައިވެރިވުމަށްޓަކައި ފެމިލީ ޕެކޭޖް އަށް ސަބްސްކްރައިބް ކޮށްގެން ދެވަނަ އިނާމާއި ތިންވަނަ އިނާމްގައި ބައިވެރިވޭނެ ކަމަށާއި އަދި އެއްވަނަ އިނާމް ކަމަށްވާ އުމުރާ ދަތުރުގައި ބައިވެރިވުމަށްޓަކައި 'ވޯންޓް އިޓް އޯލް' ޕެކޭޖް ސަބްސްކްރައިބް ކުރައްވަން ޖެހިވަޑައިގަންނަވާނެ ކަމަށް ޝިއުނާ ވިދާޅުވިއެވެ.
އަދި 'ވޯންޓް އިޓް އޯލް' އަށް ސަބްސްކްރައިބް ކުރުމުން މިޕްރޮމޯޝަންގެ ހުރިހާ އިނާމެއްގެ ގުރުއަތުލުމުގައި ބައިވެރިވެވޭނެ ކަމަށާއި މިއީ މީޑިޔާ ނެޓްގެ ހުރިހާ ކަސްޓަމަރުންނަށް ހުޅުވާލާފައިވާ ޕްރޮމޯޝަނެކެވެ.
