ސުޝްމާ މަޖިލީހަށް ވަޑައިގެން، ގާސިމާ ބައްދަލު ކުރައްވައިފި
މަޖިލީހުގެ އިންތިހާބާ ގުޅޭ ގޮތުން މަޝްވަރާ ކުރެއްވި
އިންޑިއާގެ އެކްސްޓާނަލް އެފެއަރޒް، ސުޝްމާ ސުވަރާޖު މަޖިލީހަށް ވަޑައިގެން ގާސިމާ ސަލާމް ކުރެއްވުން
އިންޑިއާގެ އެކްސްޓާނަލް އެފެއަރޒް މިނިސްޓަރ ސުޝްމާ ސުވަރާޖު، ރައްޔިތުންގެ މަޖިލީހުގެ ރައީސް ޤާޞިމް އިބްރާހީމާ ބައްދަލު ކުރައްވައިފިއެވެ.
މަޖިލީހުގެ އިދާރާއިން ބުނީ އާދީއްތަ ދުވަހުގެ މެންދުރުފަހު، އެކަމަނާ މަޖިލީހަށް ވަޑައިގެން، ކުރިއަށް އޮތް ރައްޔިތުންގެ މަޖިލީހުގެ އިންތިޚާބާ ބެހޭ ގޮތުން ދެ ބޭފުޅުން މަޝްވަރާ ކުރެއްވި ކަމަށެވެ.
ސުޝްމާއާ ހަވާލާ ދެއްވައި މަޖިލީހުގެ އިދާރާއިން ބުނީ އިންޑިއާއިން އަބަދުވެސް ރާއްޖެއަށް އެހީތެރިކަން ފޯރުކޮށްދޭނެކަމުގެ ޔަޤީންކަން ދެއްވި ކަމަށެވެ. އަދި ރާއްޖެއަށް ކުރައްވާ ދަތުރުފުޅުގެ މަޢުލޫމާތު ހިއްސާ ކުރައްވައި، ރާއްޖެއާ އިންޑިއާގެ ގުޅުން އިތުރަށް ބަދަހިވާނެ ކަމަށް އުއްމީދުކުރައްވާ ކަމަށް ޝުޝްމާ ވިދާޅުވިއެވެ.
މަޖިލީހުގެ ރައީސް ގާސިމް ދެއްކެވި ވާހަކަފުޅުގައި ރާއްޖެ އާއި އިންޑިއާއާ ދެމެދު އޮތް ޒަމާންވީ ގުޅުން ފާހަގަކުރެއްވިއެވެ. އެގޮތުން އިންޑިއާއިން ރާއްޖޭގެ ތަރައްޤީއަށް ވެދެއްވަމުން ގެންދަވާ އެހީތައް ފާހަގަކުރައްވާ އެކަމަށްޓަކައި އިންޑިއާ ސަރުކާރަށާއި ރައްޔިތުންނަށް ޝުކުރު އަދާކުރެއްވިއެވެ.
