އޮފިޝަލުން ތަމްރީނު ކުރާނެ 57 މީހުން (ޓްރެއިނާސް އޮފް ޓްރެއިނީ) އިލެކްޝަންސް ކަމިޝަން (އީސީ) އިން ތަމްރީންކޮށްފިއެވެ. 

ހުކުރު ދުވަހުގެރޭ އީސީގެ އިންތިޚާބާ ބެހޭ މަރުކަޒުގައި ވަނީ އޮފިޝަލުން ތަމްރީނު ކުރާނެ ފަރާތްތައް ތަމްރީންުކުރުމުގެ ޕްރޮގްރާމް ނިންމުމުގެ ރަސްމިއްޔާތު ބާއްވާފައެވެ. 

އޮފިޝަލުން ޓްރެއިން ކުރުމުގެ މަސައްކަތް މިމަހުގެ 23 ގައި ފަށާއިރު ރާއްޖެ އާއި ރިސޯޓްތަކާއި އަދި ރާއްޖެއިން ބޭރުގައި ހަރަކާތްތެރިވާ 4634 އޮފިޝަލުން ތަމްރީނު ކުރާނެއެވެ.

އީސީއަށް ބޭނުންވާ އަދަދަށް އޮފިޝަލުން ހަމަވީ ހަތަރު ފަހަރެއްގެ މަތިން އިއުލާން ކޮށްގެންނެވެ. 

ރައްޔިތުންގެ މަޖިލީހުގެ އިންތިޚާބު އަންނަ މަހުގެ 6 ވަނަ ދުވަހު ބާއްވާއިރު 87 ދާއިރާއަކަށް 393 ކެންޑިޑޭޓުން ވާދަކުރެއެވެ. މިފަހަރުގެ އިންތިހާބުގައި ޖުމްލަ 507 ވޯޓު ފޮއްޓެއް ބެހެއްޓުމަށް ނިންމާފައިވެއެވެ. އަދި އެ އިންތިހާބުގައި ވޯޓުލުމުގެ ހައްގު 264،589 މީހަކަށް ލިބެއެވެ.