ނިއުޒީލެންޑްގެ ކްރައިސްޓްޗަރޗްގެ ދެ މިސްކިތަކަށް ބަޑިހިފައިގެން ތިބި ބަޔަކު ހުކުރު ދުވަހު ވަދެ، ބަޑީގެ ހަމަލާތަކެއްދީ އެތައް ބަޔަކު މަރާލުމާއި ގުޅިގެން އެ އަމަލު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ކުށްވެރިކުރައްވައިފިއެވެ.
ނިއުޒީލެންޑްގެ ރައްޔިތުންނަށް ކުރިމަތިވެފައިވާ މިހިތާމެވެރި ދަނޑުވަޅުގައި ބައިވެރިވާކަން ފާހަގަކުރައްވައި ރައީސް ސޯލިހު ކުރެއްވި ޓްވީޓެއްގައި ވިދާޅުވީ ނިއުޒީލެންޑްގެ ކްރައިސްޓްޗަރޗްގެ ދެ މިސްކިތަކަށް ބަޑިހިފައިގެން ތިބި ބަޔަކުދެ، ބަޑީގެ ހަމަލާތަކެއްދީ ކުށެއް ނެތް އެތައް ބަޔަކު މަރާލި އަމަލު ހަރުކަށި އިބާރާތުން ކުށްވެރި ކުރާ ކަމަށެވެ. އަދި ވިދާޅުވީ ޓެރަރިޒަމްއާ ނަސްލީ ތަފާތުކުރުމަކީ ތަހުޒީބީ މުޖުތަމައުގައި ބަލައިގަނެވޭނެ އަމަލެއް ނޫން ކަމަށެވެ.
Our thoughts and prayers are with the victims, their loved ones and the entire New Zealand community following the horrific mosque shootings in Christchurch today. Terrorism and bigotry have no place in civilized society and I condemn this cowardly act in the strongest of terms.
— Ibrahim Mohamed Solih (@ibusolih) March 15, 2019
މިހާދިސާއާ ގުޅިގެން ޑިފެންސް މިނިސްޓަރު މާރިޔާ އަހުމަދު ދީދީ ވެސް ވަނީ އެ އަމަލު ހަށުކަށި އިބާރާތުން ކުށްވެރިކުރައްވާފައެވެ. އަދި ވިދާޅުވީ ރާއްޖެ ދެމިއޮންނާނީ ޒީރޯ ޓޮލަރެންސް ޓު ޓެރަރިޒަމްގެ އުސޫލުގެ މަތީގައި ކަމަށެވެ.
Strongly condemn the mass shootings at NZ mosques resulting in multiple fatalities. We reiterate our position of zero tolerance on terrorism. Our thoughts & prayers go out to those affected by these heinous acts @NCTCMaldives https://t.co/4RMrkYmlZm
— Mariya Didi (@MariyaDidi) March 15, 2019
މީގެ އިތުރުން ފޮރިންގ މިނިސްޓްރީން ބުނީ މިހާދިސާގައި ދިވެއްސަކަށް އަނިޔާވި ކަމުގެ ރިޕޯޓެއް މިހާތަނަށް ލިބިފައިނުވާ ކަމަށާއި، އެ މިނިސްޓްރީން ބަލަން ޖެހޭ ކަންކަން ބަލަމުން އަންނަ ކަމަށެވެ.
ފޮރިން މިނިސްޓަރު އަބްދުﷲ ޝާހިދު ވިދާޅުވީ ރާއްޖެއަކީ ހަމަނުޖެހުންތަކަށް ހިތްވަރު ދޭނެ ގައުމެއް ނޫން ކަމަށާއި، ނިއު ޒިލެންޑްގެ ކްރައިސްޗާޗަށް ހަމަލަ ދިން ޚަބަރާ އެކު ހައިރާންކަން ލިބިވަޑައިގެންނެވި ކަމަށެވެ. އަދި މިހާދިސާއާ މެދު ހިތާމަ ކުރައްވާ ކަމަށެވެ.
މިނިސްޓަރު ޝާހިދު ވިދާޅުވީ މިހިތާމަވެރި ދަނޑިވަޅުގައި އެގައުމުގެ ރައްޔިތުންނާއެކުވާ ކަމަށެވެ.
“Shocked & deeply saddened by the shootings in #Christchurch. The Maldives abhors violence in all its forms and stands with our sisters and brothers in #NewZealand during this darkest hour.”: Foreign Minister Shahid. #NewZealandStrong@MFATgovtNZ @winstonpeters
— MFA Maldives (@MDVForeign) March 15, 2019
ނިއު ޒިލެންޑްގައި ދިވެހި ހައި ކޮމިޝަނެއް ނުހުރެ އެވެ. ނަމަވެސް އެގައުމުގައި ދިވެހިންގެ ބަޔަކު އުޅެމުން ގެންދެއެވެ. މިހާތަނަށް މިހާދިސާގައި 49 މީހުން މަރާލައިފައިވާ ކަމަށް ރިޕޯޓުތަކުން ދައްކައެވެ.
