ސީކެއާ ފުޓުސަލް މުބާރާތް ހުކުރުދުވަހު ފެށޭނެ
7 މާރިޗު 2019 | ބުރާސްފަތި 19:08މި މުބާރާތަކީ ސީކެއާ މޯލްޑިވްސްއަށް ފަސްއަހަރު ފުރުމުގެ ގޮތުން ބާއްވާ މުބާރާތެއް
ސީކެއާ ފުޓުސަލް ބެނާ
ސީކެއާ ފޯވާޑަރސް މޯލްޑިވްސްއަށް ފަސް އަހަރު ފުރުން ފާހަގަ ކުރުމުގެ ގޮތުން ފުޓުސަލް މުބާރާތެއް ބާއްވަން އެ ކުންފުނިން ނިންމައިފިއެވެ.
އެ ކުންފުނިން ބުނީ ފުޓުސަލް މުބާރަތް ބާއްވަން ހަމަޖެހިފައިވަނީ އެކުންފުނީގެ ކްލަޔަންޓުންގެ މެދުގައެވެ.
އެއް ދުވަހަށް ކުރިއަށް ގެންދާ މި މުބާރާތް މާރޗް މަހުގެ އަށެއް ވާ ހުކުރު ދުވަހު ހެނދުނު ހަތެއް ޖަހާއިރު ފެށިގެން ދާނެ ކަމަށް ސީކެއާ މޯލްޑިވްސްއިން މައުލޫމާތު ދެއެވެ.
މި މުބާރާތުގެ މީޑިއާ ޕާރޓްނަރުގެ ގޮތުގައި ރާއްޖެ ޓީވީ ހަމަޖެހިފައި ވާއިރު، މި މުބާރާތުގެ މެޗުތަށް ކުރިއަށް ދަނީ މާފަންނު މިނީ ގްރައުންޑުގައެވެ.
ސީކެއާ ފުޓުސަލް ފިއެސްޓާގެ ނަމުގައި ކުރިއަށް ގެންދިއުމަށް ހަމަޖެހިފައިވާ މި މުބަރާތުގައި ޖުމްލަ 16 ޓީމަކުން ބައިވެރިވެއެވެ. އެއީ، ސޮނީ ހާރޑްވެއާ، ސިމްޑީ، ޕޭން އޯޝަން، ޔުނިވާރސަލް، ކޯސްޓްލައިން، އަޔާދާ މޯލްޑިވްސް، މެޑްޓެކް މޯލްޑިވްސް، ސޮނީ ސްޕޯރޓްސް، ބްރަދަރހުޑް، މޯލްޑިވްސް ވޯޓާރ އެންޑް ސުވަރޭޖް ކޮމްޕަނީ ޕވޓ، ސީކެއާ، ޓްރާންޒްގޭޓް، ގްރޭޕް، އޭސް ހަރޑްވެއަރ، މޯލްޑިވްސް ޕޯރޓްސް ލިމިޓެޑް، އަދި ސަންފްރޮންޓެވެ.
