ލޭކާރސްގެ މައްޗަށް ކްލިޕާރސް ކުރިހޯދައިފި

އެންބީއޭގައި ހޯމަ ދުވަހު ކުޅުނު މެޗު ލޭކާރސް ބަލިކޮށް ކްލިޕާރސް ކާމިޔާބު ކޮށްފިއެވެ.

މި މެޗު ކްލިޕާރސް ކާމިޔާބު ކުރީ ލޭކާރސް އާއި ވާދަކޮށް 105-113 ޕޮއިންޓުންނެވެ.

ހޯމަ ދުވަހުގެ މެޗުގައި ލޭކާރސްގެ ލެބްރޮން ޖޭމްސްގެ ފަރާތުން ރަނގަޅު ކުޅުމެއް ފެނިގެންދިޔައިރު އޭނާ ވަނީ ލޭކާރސްއަށް 27 ޕޮއިންޓް ކާމިޔާބު ކޮށްދީފައެވެ.

މީގެ އިތުރުން އަށް ރީބައުންޑްގެ އިތުރުން ހަ އެސިސްޓް ލެބްރޮން ޖޭމްސް ކޮށްފައިވެއެވެ.

އަނިޔާގެ ސަބަބުން ލޭކާރސްގެ މުހިއްމު ކުޅުންތެރިއެއް ކަމަށްވާ ބްރޭންޑޮން އިންގްރަމް މި މެޗުގައި ކުޅެފައެއް ނުވެއެވެ.

މި މެޗުން ކްލިޕާރސް މޮޅުވުމުގެ އެންމެ ބޮޑު ދައުރެއް އަދާ ކުރީ އެ ޓީމުގެ ޑެނީލޯ ގެލިނާރީއެވެ.

ޑެނީލޯ ކްލިޕާރސްއަށް 23 ޕޮއިންޓް ހޯދައިދީފައެވެ. ޑެނީލޯގެ އިތުރުން ހަމަ އެ ޓީމުގެ ލޯއޫ ވިލިއަމްސް ވަނީ 21 ޕޮއިންޓް ކާމިޔާބު ކޮށްދީފައެވެ.

އެންބީއޭގައި ހޯމަ ދުވަހުގެ މެޗުން ލޭކާރސް ބަލިވިއިރު، ޕެލިކަންސްވަނީ އުއްޓާ ޖެޒްއާއި ވާދަ ކުރި މެޗުން މޮޅުވެފައެވެ. މި މެޗު ޕެލިކަން ކާމިޔާބު ކުރީ އުއްޓާ ޖެޒްއާއި ވާދަކޮށް 112-115 ޕޮއިންޓުންނެވެ.