ބައިނަލްއަޤްވާމީ ގޮތުން ފާހަގަކުރާ އަންހެނުންގެ ދުވަހާއި ގުޅިގެން ފިޓްޒޯންއިން އަންހެނުންނަށް ހާއްސަ ޕްރޮގްރާމްތަކެއް ބާއްވަން ނިންމައިފިއެވެ.
ފިޓްޒޯންގެ ގުރޫޕު ފިޓްނަސް މެނޭޖަރ ޝަފްރާ ޒަރީރު ވިދާޅުވީ މިއީ އަންހެނުންގެ ދުވަހާއި ގުޅިގެން އަންހެނުންނަށް ހާއްސަކޮށްގެން މުޅިން ހިލޭ ކުރިއަށްގެންދާ ޕްރޮގްރާމްތަކެއް ކަމަށެެވެ.
އެގޮތުން މިޕްރޮގްރާމްތައް ކުރިއަށްގެންދާނީ މާރޗްމަހުގެ 9 ވަނަ ދުވަހުގެ އިރުއޮއްސި 6:30 އިން ފެށިގެން 21:30 އާއި ހަމައަށް ކުރިއަށްގެންދާ ތަފާތު ތިން ޕްރޮގްރާމްގައެވެ.
އެހެންކަމުން މިޕްރޮގްރާމްތަކުގައި ބައިވެރިވާން ބޭނުންވާ ފަރާތްތަކަށް އެފުރުޞަތު މިހާރުވެސް ހުޅުވާލާފައިވާ ކަމަށާއި މިފަރާތްތަކުން ފިޓްޒޯންއަށް ގުޅައިގެން ނަން ނޯޓް ކުރުމުގެ ފުރުޞަތު އެބަ އޮތް ކަމަށް ޝަފްރާ ވިދާޅުވިއެވެ.
މީގެ އިތުރުން ސްކޫލު މިޑްޓާމް ބަންދާއި ދިމާކޮށް ގްރޭޑް 7 އިން ފެށިގެން ގްރޭޑް 12އާއި ހަމައަށް ކިޔަވާ ކުދިންނަށް ހިލޭ ބައިވެރިވެވޭ ކްލާސްތަކެއް ކުރިއަށްގެންދަން ނިންމާފައިވާ ކަމަށް ވެސް ޝަފްރާ ވިދާޅުވިއެވެ.
މިފަދަ ޕްރޮގްރާމެއް ސްކޫލު ކުދިންނަށް ކުރިއަށް ގެންދަން ނިންމީ ފުރާވަރުގެ ކުދިން ދުޅަހެޔޮ ސިއްޙަތަކަށް ލޯބި ޖެއްސުމާއި ކަސްރަތު ކުރުމަކީ މުހިއްމު ކަމެއް ކަން އެކުދިންނަށް ވެސް މިކަމުގެ ތެރެއިން އަންގައި ދިނުމުގެ ބޭނުމުގައި ކަމަށް ޝަފްރާ ވިދާޅުވިއެވެ.
މާރޗް މަހުގެ 9 ވަނަ ދުވަހުން ފެށިގެން މާރޗް 14 ވަނަ ދުވަހާއި ހަމައަށް ކޮންމެ ދުވަހެއްގެ ވެސް ހަވީރު 17:00 އިން ފެށިގެން 18:00 އަށް މުޅިން ހިލޭ ބައިވެރިވެވޭ ގޮތަށް ހާއްސަ ކްލާހެއް ކުރިއަށްގެންދަން ވަނީ ނިންމާފައެވެ.
މި ކްލާސްތަކުގައި ބައިވެރިވާން ބޭނުންވާ ސްކޫލު ކުދިންނަށް އެފުރުޞަތު ހުޅުވާލާފައިވާއިރު، ސްކޫލު ކުދިންނަށް ހާއްސަ ޕެކޭޖެއް ޕިޓްޒޯންއިން މިހާރުވެސް ކުރިއަށްގެންދާ ކަމަށް އޭނާ ވިދާޅުވިއެވެ.
ފިޓް ޒޯނުން ކުރިއަށްގެންދާ ގުރޫޕު ފިޓް މިކްސްގައި، ސްޓީލް ކޮމްބެޓް، ސްޓީލް ޓްރެއިނިން، ސްޓީލް ޓޮނިކް، ސްޓްރޯންގ ބައި ޒުންބާ، ޒުންބާ، ފިޓްމިކްސް ހިމެނެއެވެ.
މީގެ ހަތަރު އަހަރު ކުރިން ހުޅުވި ފިޓްޒޯން އަކީ ތަފާތު ގިނަ ޕްރޮގްރާމްތަކެއް ހިންގަމުން ގެންދާ ތަނަކަށް ވާއިރު އެ ޖިމުން ކުރިއަށްގެންދާ ގުރޫޕު ފިޓްނަސް ޕްރޮގްރާމްތަކަށް ވެސް ބޮޑު ތަރުހީބެއް ލިބެމުން ފިޓްޒޯނުން ބުންޏެވެ.
އަދި މިއަހަރުގެ ތެރޭގައި ތަފާތު ގިނަ ޕްރޮގްރާމްތަކެއް ކުރިއަށްގެންދިއުމަށް ވެސް ވަނީ ނިންމާފައެވެ.
އަދި ތަފާތު ގިނަ ޕްރޮގްރާމްތައް ވެސް ކުރިއަށްގެންދެއެވެ. އޭގެ ތެރޭގައި ރާއްޖެޓީވީއާ ގުޅިގެން ހިންގާ "ސައްތަކިލޯ" ޕްރޮގްރާމާއި ބޫޓް ކޭމްޕްތަކުގެ އިތުރުން "މިސްޓަ ފިޓްޒޯން" ގެ ނަމުގައި ބޮޑީ ބިލްޑިން މުބާރާތްތެއް ވެސް ވަނީ ފަށައިފަ އެވެ. މި އަހަރު އަލަށް ފެށި މި މުބާރާތް 2019 ގައި ވެސް އޮންނާނެ ކަމަށް ފިޓްޒޯނުން ބުނެ އެވެ.
މީގެ އިތުރުންވެސް އެކި އެކި ޕްރޮމޯޝަންތައް ކުރިއަށްގެންދިއުމަށް ފިޓްޒޯނުން ދަނީ ތައްޔާރުވަމުންނެވެ.
