އެމެރިކާގެ ރައީސް ޑޮނަލް ޓްރަމްޕް އުތުރު ކޮރެއާގެ ލީޑަރު ކިމް ޖޮން އުންއަށް ތައުރީފް ކުރުމުން، އުތުރު ކޮރެއާއިން ހައްޔަރުކޮށްފައި ބެހެެއްޓުމަށްފަހު ދޫކޮށްލުމުން އެނބުރި ގައުމަށް ދިޔަތާ ކުޑަ ދުވަސްކޮޅެއްގެ ތެރޭގައި މަރުވި އެމެރިކާގެ ދަރިވަރު، އޮއްޓޯ ވެމްބިއާގެ އާއިލާ އިން ކުށްވެރިކޮށްފިއެވެ.

ވޮމްބިއަރގެ އާއިލާއިން ބުނީ ކުރާ ތައުރީފަކުން ނުވަތަ ދައްކާ ބަހަނާއަކުން، ވޮމްބިއަރ މަރާލީ "ކިމް އާއި އޭނާގެ ޝައިތާނީ ސަރުކާރުން" ނޫން ކަމަކަށް ނުހެދޭނެ ކަމަށެވެ.

ރައީސް ޓްރަމްޕްއާ ކިމްގެ ދެވަނަ ބައްދަލުވުން ފެބްރުއަރީ މަހުގެ 27-28 ގައި ވިއެޓްނާމްގެ ހެނޯއީގައި ބާއްވާފައިވާއިރު އެއްވެސް އެއްބަސްވުމެއް އެކުލަވާނުލެވެއެވެ.

ވޮމްބިއަރގެ އާއިލާއިން ނުރުހުން ފާޅުކުރުމާ އެކު ރައީސް ޓްރަމްޕް ވަނީ އެ މަނިކުފާނުގެ ވާހަކަ ނުބައިކޮށް ތަރުޖަމާ ކުރައްވާފައިވާ ކަމަށް ވިދާޅުވެ ޓްވީޓެއް ކުރައްވާފައެެވެ.

ޓްރަމްޕް ވިދާޅުވެފައި ވަނީ އުތުރު ކޮރެއާ ޒިންމާދާރުކުރުވުމުގެ މަސައްކަތް ކުރައްވަމުން ގެނދަވާ ކަމަށެވެ. މީގެ އިތުރުން ޓްރަމްޕްވަނީ ވޮމްބިއާގެ މަތިން ހަނދުމަފުޅުވާކަމަށްވެސް ވިދާޅުވެފައެވެ.

އެމެރިކާގެ ދަރިވަރެއްގެ ގޮތުގައި ހުރި ވޮމްބިއަރ ޕިޔޯންގަޔަންގ އިން ހައްޔަރު ކޮށްފައި ވަނީ ހޮޓަލުގެ ސައިން ބޯޑެއް ނެގުމުން 2016 ވަނަ އަހަރުއެވެ.

ސިއްހީ ހާލަތު ހުރިގޮތުން 2018 ވަނަ އަހަރުގެ ޖޫން މަހު އޭނާ ދޫކޮށްލާފައިވާއިރު އެނބުރި ގައުމަށް ދިޔައިރު އޭނާގެ ހާލު ސީރިއަސްވެ ދުވަސްކޮޅެއްގެ ތެރޭގައި ވަނީ މަރުވެފައެވެ.

ވޮމްބިއަރއާ މެދު ގޯހުން ކަންކަން ކޮށްފައިވާ ކަމަށް ބުނާ ބުނުން އުތުރު ކޮރެއާއިން އަބަދުވެސް ދަނީ ދޮގުކުރަމުންނެވެ. އެ ގައުމުން ބުނަމުން ދަނީ އޭނާ ޖަލުގައި ހުރިއިރު އޭނާއަށް ބޮޗުލިސަމް (ނާރުތަކަށް ވިހައިގެ އަސަރުކުރުން) ޖެހިފައިވާ ކަމަށެވެ. ނަމަވެސް އެމެރިކާގެ ޑޮކްޓަރުންނަށް އެފަދަ ކަމެއް ފެނިފައެއް ނުވެއެވެ.

ވޮމްބިއަރގެ އާއިލާއިން ބުނީ އެމީހުންނަށް އޭނާ ފެނުނުއިރު އޮތީ ބޯބާލައިފައިކަމަށާއި އޭނާގެ ލޯ އަނދިރިވެ ކަންފަތް ބީރުވެ ހަތަރެެސްފައި އަނބުރާލާފައިވާ ކަމަށެވެ. އަދި އޭނާގެ ފައިތިލައިގައި ބޮޑު ލަކުނެއް އިން ކަމަށެވެ.

https://www.bbc.com/news/world-us-canada-47418956

https://raajje.mv/news/47152

https://raajje.mv/news/18435