ދުބާއީ ޓެނިސް ޗެމްޕިއަންޝިޕްގެ ސެމީ ފައިނަލުން ޖާގައެއް ރޯޖާ ފެޑްރާ ކަށަވަރުކޮށްފިއެވެ.

ސެމީ ފައިނަލުން ޖާގައެއް ފެޑްރާ ކަށަވަރުކުރީ ކުއާޓާފައިނަލުގައި މާރޓޮން ފުކްސޮވިކްސް ބަލިކޮށްގެންނެވެ.

މި މެޗު ދުނީޔޭގެ 35 ވަނަ ޓެނިސް ކުޅުންތެރިއާ ފުކްސޮވިކްސް އާއި ވާދަކޮށް ފެޑްރާ ކާމިޔާބުކުރީ ތިން ސެޓު ދެ ސެޓުންނެވެ.

ދެ ކުޅުންތެރިންގެ ފަރާތުންވެސް ވާދަވެރި ކުޅުމެއް ފެނުނު މި މެޗުގެ ނަތީޖާ ނެރުމަށް އެއްގަޑިއިރާ 57 މިނެޓު ކުޅުންއިރު، މޮޅުވުމަށް ރަނގަޅު ފުރުސަތުތަކެއް ފުކްސޮވިކްސްއަށް ލިބި ވަނީ ބޭކާރުވެފައެވެ.

މި މޮޅާއިއެކު ރޯޖާފެޑްރާ ވެގެންގޮސްފައިވަނީ ޓެނިސް ސިންގަލްގެ 100 މޮޅު ހޯދި ދެވަނަ ކުޅުންތެރިޔާއަށެވެ. މި ހާތަނަށް 109 ސިންގަލްސް ކާމިޔާބުކޮށްގެން އެއްވަނާގައި އޮތީ ޖިމީ ކޮނާރސްއެވެ.

20 ފަހަރަށް ގްރޭންޑް ސްލޭމް ހޯދާފައިވާ ރޯޖާ ފެޑްރާއޮތީ ދުނިޔޭގެ ހަތް ވަނާގައެވެ.

ފަހު ހަތަރުބުރު ކާމިޔާބު ކުރުމަށް ރޯޖާ ފެޑްރާ ވާދަ ކުރަން ޖެހޭނީ ކްރޮއޭޝިއާގެ ބޯނާ ކޯރިކްއާއެވެ.

ރޯޖާ ފެޑްރާ ސެމީ ފައިނަލުގައި ބޯނާ އާއި ވާދަކުރާއިރު، ސެމީ ފައިނަލުގެ ދެވަނަ މެޗުގައި ވާދަ ކުރާނީ ގްރީސްގެ ސްޓެފާނޯ ޓްސިޓްސިޕަސް އާޢި ގައެލް މޮނޮފިލްސްއާއެވެ.