އަނެއްކާވެސް ޓޫރިސްޓަކު މަރުވެއްޖެ

މިއަދު ހެނދުނު ސަފާރީއަކުން ގއ. ކުރެއްދޫ ކަނޑުއޮޅިއަށް ޑައިވިނަށް ގޮސް އުޅުނު ޗައިނާގެ ފަތުރުވެރިޔަކު މަރުވެއްޖެއެވެ.

ފުލުހުން ބުނީ، މަރުވެފައިވަނީ އުމުރުން 50 އަހަރުގެ ޗައިނާ ފިރިހެނެއް ކަމަށާއި، އެ މައްސަލަ މިހާރު ތަހުގީގު ކުރަމުން އަންނަ ކަމަށެވެ.

ޑައިވިން ކުރަން އުޅެނިކޮށް ހާލު ދެރަވެގެން ގއ.ވިލިގިލި ހޮސްޕިޓަަލުގައި ފަަރުވާ ދެމުން ދަނިކޮށް އޭނާ މަރުވެފައިވަނީ 12:05 ހާއިރުއެވެ.

މި އަހަރުގެ ތެރޭގައި މިހާތަނަށް ނުވަ ފަތުރުވެރިއަކު ގެނބިގެން މަރުވެފައިވެއެވެ.

ޓޫރިސްޓުން ގެނބިގެން މަރުވާ މައްސަލަ ބޮޑުވެފައި ވާތީ، ޓޫރިސްޓުން މޫދަށް އެރޭ ސަރަހައްދުތަކާއި، ރިސޯޓްތައް މޮނީޓާކޮށް ސަލާމަތީ ކަންކަން އިސްލާހު ކުރުމަށް ސިފައިންނާއި، ޓޫރިޒަމް މިނިސްޓްރީގެ އިތުރުން ކައުންސިލްތައް ގުޅިގެން ދަނީ މަސައްކަތް ކުރަމުންނެވެ.