އިންޑިޔާއިން ރާއްޖެ އައި ދިވެހި ފިރިހެނެއްގެ އަތުން ދެ ކިލޯގެ މަސްތުވާތަކެތި އަތުލައިގެންފިއެވެ.
ކަސްޓަމްސްއިން ބުނީ މި މަހުގެ 20 ވަނަ ދުވަހު އިންޑިޔާއިން ރާއްޖެ އައި އުމުރުން 24 އަހަރުގެ މި މީހާގެ އަމަލުތައް ހުރި ގޮތުން އޭނާއާ މެދު ޝައްކުރެވިގެން ބަލާފާސްކުރި އިރު، އޭނާގެ ލަގެޖުގެ ތެރެއިން މަސްތުވާތަކެތި ކަމަށް ޝައްކުކުރެވޭ ތަކެތި ރައްކާކޮށްފައި ހުރި ޕެކެޓެއްގައި މުށި ކުލައިގެ ދިޔާތަކެތި ފެނިފައިވާ ކަމަށެވެ.
މިތަކެތި އިތުރަށް ތަހުލީލިކުރިއިރު މަސްތުވާތަކެތީގެ ބާވަތެއް ކަމަށްވާ ހަޝިޝް އޮއިލް އަށް ޕޮޒިޓިވް ވެފައިވާ ކަމަށް ކަސްޓަމްސްއިން ބުންޏެވެ.
ކަސްޓަމްސްއިން ބުނީ މި މައްސަލާގައި ޝާމިލުވާ މިހާ އާއި އެތުލައިގެނެވުނު މަސްތުވާތަކެތި މިހާރު ފުލުހުންނާ ހަވާލުކޮށްފައިވާ ކަމަށެވެ.
