ލެޕާފިއުމުގެ 'ޝޮޕް އެންޑް ވިން' ޕްރޮމޯޝަންގެ ނަސީބުވެރިން ހޮވައިފި
23 ފެބުރުއަރީ 2019 | ހޮނިހިރު 13:14އެއްވަނައަށް ހޮވިފައިވާ ރިފާ ސަމީރު
ލެޕާފިއުމުގެ \'ޝޮޕް އެންޑް ވިން\' ޕްރޮމޯޝަންގެ ނަސީބުވެރިން ހޮވަނީ
ސެންޓުގެ ވިޔަފާރި ފުޅާދާއިރާއެއްގައި ކުރަމުން އަންނަ ލެ ޕާފިއުމުގެ "ޝޮޕް އެންޑް ވިން" ޕްރޮމޯޝަންގެ ނަސީބުވެރިން ހޮވައިފިއެވެ.
ގުރުއަތުލުން ބާއްވާފައި ވަނީ ހޮނިހިރު ދުވަހު ހަވީރު މަޖީދީމަގުގައި ހުންނަ ލެޕާފިއުމް ޝޯވްރޫމުގައެވެ.
އެގޮތުން އެއްވަނައަށް ހޮވިފައިވާ ރިފާ ސަމީރުއަށް ލިބިފައި ވަނީ އައިފޯނު އެކްސްއެސް މެކްސް އެކެވެ. އަދި ދެވަނަ އަށް ހޮވިފައިވާ އިރުފާންއަށް 10،000ރ. ގެ އަގުހުރި ގިފްޓް ހެމްޕައެއް ލިބިފައިވާއިރު ތިން ވަނައަށް ހުށަހަޅާފައި ވަނީ ދިހަ ފަރާތަކަށް 500ރ. ގެ އަގުހުރި މޫވް އެންޑް ޕިކް ގިފްޓް ވައުޗަރއެކެވެ.
އާ އަހަރާ ދިމާކޮށް ކުރިއަށްގެންދިޔަ މި ޕްރޮމޯޝަންގައި ބައިވެރިކޮށްފައި ވަނީ 1000ރ. އިން މަތީގެ ވިޔަފާރި ކުރާ ފަރާތްތަކަށެވެ.
މި ޕްރޮމޯޝަން ކުރިއަށްދިޔައިރު ވަރަށް ބޮޑު ތަރުހީބެއް ލިބިފައިވާ ކަމަށާއި ގާތް ގަނޑަކަށް ދެހާހަށް ވުރެ ގިނަ މީހުން ވަނީ މިޕްރޮމޯޝަންގައި ބައިވެރިވެފައި ކަމަށް ލެ ޕާފިއުމުގެ މެނޭޖިން ޑިރެކްޓަރ އަޙްމަދު ޔޫމަން ސައީދު ވިދާޅުވިއެވެ.
ލެ ޕާފިއުމް އިން އައު އަހަރާ ދިމާކޮށް ކުރިއަށްގެންދިޔަ ޕްރޮމޯޝަންގެ އިތުރުން ވަނީ ރާއްޖޭގެ ބާޒާރަށް މުޅިން އައު ދެ ސެންޓެއް ވެސް ތަޢާރަފްކޮށްފައެވެ. އެ ގޮތުން ފިރިހެނުންނަށް ހާއްސަ މަޝްހޫރު ލާކޯސްޓޭ ލޯމް ޕާރފިއުމާއި، އަދި އަންހެނުންނަށް ހާއްސަކޮށްގެން ލަ ނޯއްޓޭ ބައި ރޮބާޓޯ ކަވާލިއެވެ. މިސެންޓް ކަސްޓަމަރުންގެ ބޮޑު ތަރުހީބެއް ލިބެމުން އަންނަ ކަމަށް ޔޫމަން ވިދާޅުވިއެވެ. އަދި މިއަހަރު ތެރޭގައި އަގުހުރި އިނާމްތަކާ އެކު އިތުރު ޕްރޮމޯޝަންތައް ވެސް ކުރިއަށްގެންދާނެ ކަމަށް ޔޫމަން ވިދާޅުވިއެވެ.
